رەسەي وزبەكستاندا شاعىن اتوم ەلەكتور ستانتسياسىن (اەس) سالۋدى جوسپارلاپ وتىر. بۇل تۋرالى ازاتتىق راديوسى جازدى.

مۇنداي كەلىسىمگە رەسەي پرەزيدەنتى ۆلاديمير پۋتين مەن وزبەكستان پرەزيدەنتى شاۆكات ميرزياەۆ تاشكەنتتەگى كەلىسسوزدەن سوڭ قول قويدى.

قازىر وزبەكستان مەن ورتالىق ازيانىڭ باسقا دا ەلدەرىندە اتوم ەلەكتر ستانتسياسى جوق.

پرەزيدەنتتەر كەزدەسۋدە كوشى-قون ماسەلەسىن دە تالقىلاعان. پۋتين رەسەي بيلىگى وزبەكستاننان كەلگەن ميگرانتتاردى لايىقتى ەڭبەك جاعدايىمەن قامتاماسىز ەتۋگە جانە الەۋمەتتىك جاعىنان قورعاۋعا قاجەتتىڭ ءبارىن ىستەيدى دەپ مالىمدەدى. ەكى ەل باسشىلارى رەسەيدىڭ تابيعي گازىن وزبەكستانعا ۇزاق مەرزىمدە جەتكىزۋ جونىندەگى كەلىسىمدى جوعارى باعالاعان.

Abai.kz