وقۋ-اعارتۋ مينيسترلىگىنىڭ ءباسپاسوز قىزمەتى حابارلاۋىنشا، سۋ تاسقىنى بولعان وڭىرلەردەگى 3883 بالا ساۋىقتىرۋ ورتالىقتارىندا تەگىن دەمالادى.

جازعى دەمالىسپەن، ساۋىقتىرۋمەن جانە ەڭبەكپەن 1-10 سىنىپ وقۋشىلارىنىڭ 92%-ى، ياعني الەۋمەتتىك وسال ساناتتاعى 600 مىڭعا جۋىق بالانى قوسا العاندا، بارلىعى شامامەن 2,9 ملن بالا قامتىلادى.

"دەمالىس ورىندارىندا بالالاردىڭ قاۋىپسىزدىگى ەرەكشە باقىلاۋدا. 187 دەمالىس ورتالىعىنىڭ 150-ءى 1-10 ماۋسىم ارالىعىندا ىسكە قوسىلۋدا. ال قالعان 37 دەمالىس نىسانى ءوز جۇمىسىن 15 ماۋسىمنان باستايدى", – دەلىنگەن مينيسترلىكتىڭ رەسمي حابارلاماسىندا. 

جازعى دەمالىسقا تەگىن جولدامالاردى:

• اتاۋلى الەۋمەتتىك كومەك (ااك) الۋعا قۇقىعى بار وتباسىلاردىڭ بالالارى;
• جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن تومەن ااك المايتىن وتباسى بالالارى;
• جەتىم، اتا-اناسىنىڭ قامقورلىعىنسىز قالعان بالالار;
• توتەنشە جاعدايلار سالدارىنان جەدەل كومەك قاجەت ەتەتىن وتباسى بالالارى;
• وزگە دە ساناتتاعى مەملەكەتتىك ءبىلىم بەرۋ مەكەمەلەرىنىڭ ءبىلىم الۋشىلارى مەن تاربيەلەنۋشىلەرى الا الادى.

قاجەتتى قۇجاتتاردى تاپسىرادى:

وفلاين: وبلىستاردىڭ، استانا، الماتى جانە شىمكەنت قالاسىنىڭ ءبىلىم باسقارمالارىنا، اۋدانداردىڭ، وبلىستىق ماڭىزى بار قالالاردىڭ ءبىلىم بولىمدەرىنە، ءبىلىم بەرۋ ۇيىمدارىنا; حقكو-عا.

ونلاين: eGov پورتالى ارقىلى، ەتسق بولۋى قاجەت.

Abai.kz