سۋ تاسقىنىنان زارداپ شەككەن 717 وتباسىنا جاڭا ءۇي مەن پاتەر بەرىلدى، دەپ حابارلادى ۇكىمەتتىڭ ءباسپاسوز قىزمەتى. 

سۋ تاسقىنى سالدارىنان زارداپ شەككەن ازاماتتارعا كومەك كورسەتۋ بويىنشا جۇمىستار ءالى دە جالعاستىرىپ جاتىر. 31 552 وتباسى 100 اەك مولشەرىندە بىرجولعى تولەم الدى.

“ماسەلەن، قوستاناي وبلىسىنىڭ تۇرعىندارىنا 298 ۇي/پاتەر ۇسىنىلسا، اقمولا وبلىسىندا — 85, اقتوبە وبلىسىندا — 121, سولتۇستىك قازاقستان وبلىسىندا — 135, باتىس قازاقستان وبلىسىندا — 70, قاراعاندى وبلىسىندا — التى، پاۆلودار وبلىسىندا — ەكى جاڭا باسپانا بەرىلدى. زارداپ شەككەن تۇرعىندارعا ارناپ شامامەن 1 862 جاڭا ءۇي سالىنىپ جاتىر. 3 981 وتباسى تۇرعىن ءۇيىن جوندەۋگە جانە قالپىنا كەلتىرۋگە دەپ وتەماقى الدى. 5 066 وتباسىنا جوعالعان اسا قاجەتتى دۇنيە-مۇلكىن ساتىپ الۋ ءۇشىن 150 اەك مولشەرىندە قوسىمشا كومەك كورسەتىلدى”، –  دەلىنگەن حابارلامادا. 

سونداي-اق 34 شوب سۋبەكتىسىنىڭ جالپى سوماسى 377 ميلليون تەڭگەلىك شىعىنى وتەلدى.

Abai.kz