ەندى جىلدامدىقتى اسىرعان inDrive جانە Yandex Go جۇرگىزۋشىلەرى تاپسىرىستاردى ورىنداۋدان شەتتەتىلۋى مۇمكىن. كولىك مينيسترلىگىنىڭ مالىمەتىنشە، پلاتفورمالاردىڭ سەرىكتەس-جۇرگىزۋشىلەرى ءۇشىن ونلاين جانە وفلاين فورماتتا ترەنينگتەر وتكىزۋ جوسپارلانۋدا، دەپ حابارلايدى Abai.kz.

كولىك مينيسترلىگى تاسىمالداۋشى جۇيەلەردىڭ كولىكتەرى جىلدامدىقتى ءجيى بۇزاتىنىن ەسكەرتتى. بۇل شارالار inDrive جانە Yandex Go كومپانيالارىمەن جاسالعان مەموراندۋمدا قاراستىرىلعان.

وسىلايشا، پايدالانۋشىلاردىڭ پىكىرلەرى مەن رەيتينگتەرىنە سۇيەنە وتىرىپ، جىلدامدىقتى ءجيى بۇزاتىن جۇرگىزۋشىلەر ەندى تاپسىرىس الۋدان ۋاقىتشا نەمەسە ءبىرجولا شەتتەتىلۋى مۇمكىن. سونداي-اق تاكسي جۇرگىزۋشىلەرىنە كولىكتىڭ تەحنيكالىق جاي-كۇيىن تەكسەرۋ جانە قاۋىپسىزدىك بەلدىكتەرىن پايدالانۋ قاجەتتىگى تۋرالى حابارلاما كەلەدى.

پلاتفورما جۇرگىزۋشىلەرى ءۇشىن جول قوزعالىسى ەرەجەلەرىن، جولاۋشىلارمەن قارىم-قاتىناس ەرەجەلەرىن جانە قالاارالىق تاس جولداردا قاۋىپسىزدىك ەرەجەلەرىن ساقتاۋ بويىنشا ونلاين جانە وفلاين فورماتتا ترەنينگتەر وتكىزۋ جوسپارلانۋدا. ايتپاقشى، مەموراندۋمدى ازىرلەۋدەگى باستى ماقسات – رەسپۋبليكالىق جانە جەرگىلىكتى ماڭىزى بار قالاارالىق اۆتوموبيل جولدارىندا، سونداي-اق قالاىشىلىك جولداردا پايدالانۋشىلاردىڭ قاۋىپسىزدىگىن ارتتىرۋ، - دەپ ءتۇسىندىردى مينيسترلىك.

سونىمەن قاتار كومپانيالار بيىل ەرەكشە قاجەتتىلىكتەرى بار پايدالانۋشىلاردىڭ جەكە قاجەتتىلىكتەرى مەن بالالار ورىندىعى قاجەتتىلىگى تۋرالى حابارلاۋعا مۇمكىندىك بولاتىنىنا سەندىردى.

Abai.kz