ماسس-مەديا تۋرالى زاڭ پرەزيدەنتكە جولداندى
ماسس-مەديا تۋرالى زاڭ جوباسى سەنات قاراۋىنان ءوتىپ، پرەزيدەنتكە قول قويۋعا جىبەرىلەدى، دەپ حابارلايدى Abai.kz.
زاڭ تومەندەگىدەي تۇزەتۋلەردى كوزدەيدى:
- مەملەكەتتىك ەمەس باق قۇرالدارىنا گرانتتار بەرىلەدى;
- باق-تاعى ماتەريالدارعا تالاپ قويۋ مەرزىمى ءبىر جىلدى قۇرايدى;
- باق سۇراۋلارى بەس كۇننەن جەتى كۇنگە دەيىن قارالادى; بۇقارالىق اقپارات قۇرالدارىنىڭ قىزمەتىن ءوزىن-ءوزى رەتتەۋ ماسەلەلەرى جونىندەگى قوعامدىق-كاسىبي كەڭەس بولادى، سونداي-اق جۋرناليستەردىڭ ادەپ كودەكسىن بەكىتەدى;
- سۋيتسيد جاساۋ تاسىلدەرى جانە سۋيتسيدكە شاقىرۋ تۋرالى اقپارات تاراتۋعا تىيىم سالىنادى.
زاڭ جوباسىن بويىنشا دەپۋتاتتار ەنگىزگەن بىرقاتار تۇزەتۋ:
- «ءباسپاسوز كارتاسى»; «بۇقارالىق اقپارات»; «ءدىني تەلە باعدارلاما»; «جۋرناليستەردىڭ قۇقىقتارى مەن بوستاندىق-تارىنىڭ ساقتالۋى تۋرالى ۇلتتىق بايانداما»; «تەلە-, راديو ارنانى ەسەپكە قويۋ تۋرالى كۋالىك» ۇعىمدارىن الىپ تاستاۋ;
- «ءجۋرناليستىڭ ەرەكشە مارتەبەسى» جانە «اككرەديتتەۋدىڭ وڭايلاتىلعان ءتارتىبى» ۇعىمدارىن ەنگىزۋ; «جۋرناليستەردى (بۇقارالىق اقپارات قۇرالدارىنىڭ وكىلدەرىن) اككرەديتتەۋ» جانە «ماسس-مەديا مونيتورينگى» ۇعىمدارىن ناقتىلاۋ;
- جەلىلىك باسىلىمدار مەن اقپاراتتىق اگەنتتىكتەردى باق تۇرلەرىنىڭ ءبىرى بولىپ تابىلاتىن «ينتەرنەت-باسىلىم» بىرىڭعاي ۇعىمىنا بىرىكتىرۋ. بۇل رەتتە، ينتەرنەت-باسىلىمدار بارلىق ءداستۇرلى باق سياقتى مىندەتتى تۇردە ەسەپكە قويىلادى;
- ماسس-مەديا قىزمەتىنىڭ نەگىزگى مىندەتتەرىن ناقتىلاۋ;
- ۇكىمەتتىڭ مەملەكەتتىك اقپاراتتىق ساياساتتىڭ نەگىزگى باعىتتارىن ازىرلەۋ جانە ولاردى ىسكە اسىرۋدى ۇيىمداستىرۋ جونىندەگى قۇزىرەتىن تولىقتىرۋ;
قوسىمشا قۇزىرەتتەر بەرۋ:
- ۋاكىلەتتى ورگانعا – ماسس مەديا مونيتورينگىن جۇزەگە اسىرۋ جونىندەگى;
- وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ، اۋداننىڭ (وبلىستىق ماڭىزى بار قالانىڭ) جەرگىلىكتى وكىلدى ورگاندارىنىڭ:
- ۇلگىلىك قاعيدالارعا سايكەس ءتيىستى اكىمشىلىك-اۋماقتىق بىرلىكتىڭ اۋماعىندا تۇرعىن ءۇي كەشەندەرىندە جەكە سپۋتنيكتىك جانە ەفيرلىك قابىلداۋ قۇرىلعىلارىن، كابەلدىك كوممۋنيكاتسيالاردى ورنالاستىرۋ جونىندەگى تالاپتاردى بەلگىلەۋ جونىندەگى;
- وبلىستاردىڭ (رەسپۋبليكالىق ماڭىزى بار قالالاردىڭ، استانانىڭ) جەرگىلىكتى اتقارۋشى ورگاندارىنىڭ قوعامدىق كولىكتە مەملەكەتتىك تەلە-راديو ونىمدەرىنىڭ ترانسلياتسياسىن قامتاماسىز ەتۋى جانە باقىلاۋى جونىندەگى;
ودان بولەك مىناداي وزگەرىستەر ەنگىزىلگەن:
- ءجۋرناليستىڭ (بۇقارالىق اقپارات قۇرالدارى وكىلىنىڭ) كاسىبي قىزمەتىنە قۇقىقتىق كەپىلدىكتەر بەلگىلەۋ;
- مەملەكەتتىك تىلدەگى تەلە-راديو باعدارلامالاردى تاراتۋ جانە وتاندىق كونتەنت كولەمى بويىنشا تالاپتاردى 2025 جىلدان باستاپ – 55 پايىزعا، 2027 جىلدان باستاپ تەلە-راديباعدارلامالاردىڭ جالپى كولەمىن 60 پايىزعا ۇلعايتۋ;
- قۇقىقتاردىڭ بۇزىلۋىنا بايلانىستى باق-قا قويىلاتىن تالاپتار بويىنشا ەسكىرۋ مەرزىمىن ءۇش جىلدان ءبىر جىلعا دەيىن قىسقارتۋ;
- باق قىزمەتىن ءوزىن-ءوزى رەتتەۋ ماسەلەلەرى بويىنشا قوعامدىق-كاسىبي كەڭەستەردىڭ نەگىزگى فۋنكتسياسى رەتىندە جۋرناليستەردىڭ ادەپ كودەكسىن ازىرلەۋدى ايقىنداۋ;
- بالالار باسىلىمدارى مەن وڭىرلىك گازەت-جۋرنالدارىن قارجىلاي قولداۋ (گرانت تاعايىنداۋ);
- وتاندىق تەلە-راديو ارنالاردىڭ اپتا سايىنعى حابار تاراتۋ كولەمىندە شەتەلدىك تەلە-راديو ارنالاردىڭ تەلە-راديو باعدارلامالارىن رەترانسلياتسيالاۋدى 20 پايىزدان 10 پايىزعا دەيىن قىسقارتۋ;
Abai.kz
