بۇگىن – پورتۋگاليا كۇنى! مەملەكەت باسشىسى قاسىم-جومارت توقاەۆ مارسەلۋ نۋنۋ دۋارتە رەبەلۋ دە سوۋزانى جانە بارشا پورتۋگال حالقىن وسى ەلدىڭ ۇلتتىق مەرەكەسى – پورتۋگاليا كۇنىمەن قۇتتىقتادى، دەپ حابارلايدى Abai.kz اقوردانىڭ ءباسپاسوز قىزمەتىنە سىلتەمە جاساپ. 

"عاسىرلار بويى قالىپتاسقان تەرەڭ تاريح پەن باي مادەني مۇراعا سۇيەنە وتىرىپ، بۇگىندە پورتۋگاليا ءوزىنىڭ ورنىقتى دامۋ، حالقىنىڭ ءال-اۋقاتىن جاقسارتۋ جانە حالىقارالىق ارەناداعى بەدەلىن ارتتىرۋ جولىندا ەلەۋلى جەتىستىكتەرگە قول جەتكىزىپ كەلەدى. وسى تۇستا وتانىڭىز ءارى قاراي قارىشتاپ وركەندەۋىنە، مەرەيىنىڭ ارقاشان ۇستەم بولۋىنا تىلەكتەسپىن. استانا مەن ليسسابون اراسىنداعى دوستىق قارىم-قاتىناستار الداعى ۋاقىتتا ەلدەرىمىزدىڭ يگىلىگى ءۇشىن ۇدايى دامي بەرەتىنىنە سەنىمدىمىن", – دەپ جازىلعان جەدەلحاتتا.

قاسىم-جومارت توقاەۆ مارسەلۋ نۋنۋ دۋارتە رەبەلۋ دە سوۋزاعا زور دەنساۋلىق، ونىڭ اسا جاۋاپتى قىزمەتىنە تولاعاي تابىس، ال دوستاس پورتۋگال حالقىنا قۇت-بەرەكە تىلەدى.

Abai.kz