جۇما, 19 شىلدە 2024
انە، كوردىڭ بە؟ 1215 7 پىكىر 17 ماۋسىم, 2024 ساعات 14:03

ءماسىموۆتىڭ جانتالاسى: جالماۋىزعا جان كەرەك

سۋرەت 365info.kz سايتىنان الىندى

قازاق قوعامى نۇرسۇلتان نازارباەۆتىڭ اعاسى ساتىبالدىنىڭ ۇلى، 45 جاستاعى سامات ابىشكە راحىمشىلىق جاسالدىعىنان ەسىن جيا الماي جاتقان ساتتە كارىم ءماسىموۆ تە ساياسي ساحنادان بوي كورسەتتى.

ەلباسيزم كەزىندە الاش ەلىندەگى ءتىرى جاندى كوزگە ىلمەگەن ءماسىموۆتىڭ باسىنا قارا بۇلت «قاسىرەتتى قاڭتاردان» كەيىن ءتونىپ، ءبىر كەزدە ءوزى نازارباەۆ رەجىمىنە نارازىلاردى قويشا توعىتقان اباقتىنىڭ ءدامىن تاتۋىنا تۋرا كەلدى.

شىندىعىندا ءماسىموۆتىڭ سۇراۋى قازاقتىڭ «جالماۋىزعا جان كەرەك» دەگەن اتالى ءسوزىن ەسكە تۇسىرەدى.

ۇلتتىق قاۋىپسىزدىك كوميتەتىنىڭ (ۇقك) بۇرىنعى توراعاسى كارىم ءماسىموۆ قاڭتارداعى وقيعالار كەزىندە مەملەكەتكە ساتقىندىق جاساعان جانە بيلىكتى باسىپ الۋعا ارەكەتتەنگەن دەپ ايىپتالىپ، استانادا تەرگەۋ قاماعىندا ەكەنىن جۇرتتىڭ ءبارى حاباردار.

وتكەن جىلدىڭ 24 ساۋىرىندە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى كارىم ءماسىموۆتى قازاقستاندا 2022 جىلعى قاڭتار وقيعالارى بويىنشا «مەملەكەتتىك ساتقىندىق»، «بيلىكتى كۇشتەپ باسىپ الۋعا ارەكەت ەتۋ»، «لاۋازىمدىق وكىلەتتىگىن اسىرا پايدالانۋ» ايىپتارى بويىنشا 18 جىلعا باس بوستاندىعىنان ايىرۋعا سوتتادى.

پروتسەسس استانادا جابىق ەسىك ارتىندا ءوتتى. ىسكە قۇپيالىلىق بەلگىسى بەرىلدى.
جۇرتتى ءدۇر سىلكىنتكىزگەن ونىڭ مەملەكەت باسشىسى اتىن كەشىرىم جاساۋ تۋرالى ءوتىنىش بەرگەنى بولدى. بۇل تۋرالى ۇقك: «شىنىندا دا، ول وسى مەكەمەدەن 2024 جىلدىڭ ناۋرىزىندا قازاقستان رەسپۋبليكاسى پرەزيدەنتىنىڭ اتىنا كەشىرىم جاساۋ تۋرالى ءوتىنىش جولداعان بولاتىن»، - دەپ حابارلادى.

ۆەدومستۆو ودان ارى ماسىموۆكە قاتىستى قىلمىستىق كودەكستىڭ «قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋ (جىلىستاتۋ)» جانە «اسا ءىرى مولشەردە پارا الۋ» باپتارى بويىنشا سوتقا دەيىنگى تەرگەۋ جالعاسۋدا دەپ قوسىمشا اقپارات بەردى.

سۋعا كەتكەن تال قارمايدىنىڭ حاراكەتىن جاساعان كارىم ءماسىموۆ قازىر Cەيچاس كاريم ماسيموۆ سىبايلاس جەمقورلىققا قارسى ءىس-قيمىل اگەنتتىگىنىڭ قاۋلىسى نەگىزىندە استاناداعى ۇقك تەرگەۋ قاماعىندا (يزولياتورىندا) وتىرعان جايى بار.

سونىمەن قاتار، 2023 جىلعى ماۋسىمدا استانا قالاسىنىڭ قىلمىستىق ىستەر جونىندەگى اپەللياتسيالىق سوتى كارىم ءماسىموۆ پەن ونىڭ بۇرىنعى ەكى ورىنباسارى ءانۋار سادىقۇلوۆ پەن داۋلەت ەرعوجيننىڭ جازاسىن وتەۋگە ارنالعان مەكەمەنىڭ تۇرىنە قاتىستى ۇكىمىن بارىنشا ورتاشا قاۋىپسىزدىككە دەيىن جەڭىلدەتكەنى تۋرالى حابارلانعان بولاتىن. ناتيجەسىندە ءانۋار سادىقۇلوۆ - 16 جىلعا، داۋلەت ەرعوجين - 15 جىلعا، مارات وسيپوۆ - ءۇش جىلعا جازعا كەسىلگەندىگىن جاقسى بىلەمىز.

ەشكىمدە باسىنان باعى تايعان كارىمنىڭ الايدا بۇلاي تاعدىرىنىڭ قالاي بولارىن ءدال كەسىپ ايتا المايدى. وتانىن ساتقان دەپ ايىپ تابىلعان جانعا راحىمشىلىق جاسالاتىن بولسا، جىكىشىلدىكپەن تۇرمەگە قامالعان «پۋتين كەل» دەۋشىلەردى ماڭدايىنان سىيپاپ ۇيىنە «مەرسەدەسپەن» اپارىپ سالۋ كەرەك شىعار؟..

ءابىل-سەرىك الىاكبار

Abai.kz

7 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1292
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2027
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2075