شىعارماشىلىق ەمتيحانعا ءوتىنىش قابىلداۋ باستالدى. ەمتيحاندار 7 شىلدە مەن 15 تامىز ارالىعىندا وتەدى. بۇل تۋرالى Abai.kz حابارلايدى.

ۇلتتىق تەستىلەۋ ورتالىعى شىعارماشىلىق ماماندىقتاردى تاڭداعان تالاپكەرلەر شىعارماشىلىق ەمتيحانعا قاتىسۋ ءۇشىن 20 ماۋسىم – 10 تامىز ارالىعىندا جوعارى وقۋ ورىندارىنا ءوتىنىش بەرە الاتىندىعىن حابارلادى.

شىعارماشىلىق ماماندىقتاردى تاڭداعان تالاپكەرلەر گرانت كونكۋرسىنا قاتىسۋ ءۇشىن تەك ءبىر ماماندىق پەن ءبىر جوعارى وقۋ ورنىن تاڭداي الادى. ال اقىلى نەگىزدە ءتۇسۋ ءۇشىن باسقا جوو-دا تاپسىرعان ەمتيحان ناتيجەسىن قولدانۋعا بولادى.

ەمتيحاندار وفلاين فورماتتا بولادى.

اقمولا، اقتوبە، اتىراۋ، باتىس قازاقستان، قوستاناي جانە سولتۇستىك قازاقستان وبلىستارىنىڭ تالاپكەرلەرى شىعارماشىلىق ەمتيحاندى ۇبت-دان كەيىن تاپسىرادى.

Abai.kz