شىۇ سامميتىنە قاتىسۋ ءۇشىن ازەربايجان پرەزيدەنتى يلحام اليەۆ استاناعا كەلدى، دەپ حابارلايدى Abai.kz.

پرەزيدەنتتى قازاقستان پرەمەر-ءمينيسترىنىڭ ورىنباسارى قانات بوزىمباەۆ قارسى الدى. يلحام اليەۆ شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-ءشى وتىرىسىنا قاتىسۋ ءۇشىن استاناعا كەلدى.

قازاقستان مەن ازەربايجان اراسىندا بۇگىنگى تاڭدا ەكىجاقتى تاۋار اينالىمىنىڭ تۇراقتى ءوسىمى قامتاماسىز ەتىلگەن. ماسەلەن، 2023 جىلدىڭ قورىتىندىسى بويىنشا ءوزارا ساۋدا 14,4%-عا ءوسىپ، $529,4 ملن-عا جەتتى. بيىل دا وڭ ءۇردىس ساقتالۋدا: 4 ايدا تاۋار اينالىمى 0,5%-عا – $184,9 ملن-عا دەيىن ءوستى.

بۇگىندە ازەربايجان اۋماعى ارقىلى ەۋروپا باعىتىندا قازاقستاندىق مۇنايدى جەتكىزۋ جولعا قويىلىپ، قاڭتار-ءساۋىر ايلارىندا بارلىعى 494 مىڭ توننا مۇناي جونەلتىلگەن.

Abai.kz