ۇكىمەت قاۋلىسىندا قازاق ءتىلى ورفوگرافياسىنىڭ عىلىمي نەگىزدەلگەن نۇسقاسىن ازىرلەۋ ماقساتىندا رەسپۋبليكالىق ورفوگرافيا كوميسسياسىن قۇرۋ جوسپارلانىپ وتىرعانى جاريالاندى. كوميسسيا قۇرىلىمى قازىرگى تاڭدا قوعامدىق تالقىعا ۇسىنىلىپ وتىر. بۇل تۋرالى Abai.kz حابارلايدى.

 "قازىرگى كەزەڭدە قازاق ءتىلىنىڭ ورفوگرافياسىن جۇيەلەۋ اسا ماڭىزدى ماسەلە. قازاق ءتىلىنىڭ ورفوگرافياسىن عىلىمي نەگىزدەلگەن نۇسقادا ازىرلەۋ جانە بەكىتۋ ءۇشىن ارنايى ورفوگرافيالىق كوميسسيانى قۇرۋ قاجەت. بۇل مىندەت ۇكىمەتتىڭ №914 قاۋلىسىمەن بەكىتىلگەن قازاقستان رەسپۋبليكاسىندا ءتىل ساياساتىن دامىتۋدىڭ 2023–2029 جىلدارعا ارنالعان تۇجىرىمداماسىن كوزدەلگەن", – دەلىنگەن قۇجات جوباسىنىڭ تۇسىندىرمە جازباسىندا.

كوميسسيا قۇرۋعا عىلىم جانە جوعارى ءبىلىم مينيسترلىگى جاۋاپتى بولادى. ونىڭ قۇرامىنا مۇددەلى مەملەكەتتىك ورگان وكىلدەرى مەن عالىمدار كىرمەك.

سۋرەت: tengrinews.kz

Abai.kz