جەرۇستى جانە جەراستى وتكەلدەرى جاڭا ستاندارت بويىنشا جوندەلەدى – الماتى اكىمى
![](https://abai.kz/content/uploads/2024/07/kerke.jpg)
الماتىدا جەرۇستى وتكەلدەرىندەگى ليفتتەر مەن كوتەرگىش قۇرىلعىلار جاڭا ستاندارتقا ساي جوندەلەدى. تەڭ قولجەتىمدىلىك پەن تەڭ مۇمكىندىك ماسەلەسى ەرەكشە باقىلاۋدا. بۇل تۋرالى الماتى اكىمى ەربولات دوساەۆ اۋەزوۆ اۋدانى تۇرعىندارىنىڭ سۇراقتارىنا جاۋاپ بەرۋ كەزىندە ايتتى.
سۇراق:
بىزدە بۇكىل قالادا كوپىرلەردە كوتەرگىشتەر بار. ولاردى كۇتىپ ۇستاۋعا جانە پايدالانۋعا اقشا بولىنەدى، بىراق ولار ءاردايىم جۇمىس ىستەي بەرمەيدى. كىلت ماسەلەسى دە بار. قاشان ءتارتىپ ورناتىلادى؟
اۋدان تۇرعىنىنىڭ سۇراعىنا جاۋاپ بەرە وتىرىپ، قالا اكىمى تەڭ قولجەتىمدىلىك پەن تەڭ مۇمكىندىكتى ۇسىنۋعا قاتىستى ماسەلە ەرەكشە باقىلاۋدا ەكەنىن اتاپ ءوتتى.
«مەن ارنايى كوميسسيا قۇردىم، ونى ءوزىم باسقارامىن. قالا قۇرىلىسى كەڭەسىنە قاتىستى ماسەلەنى ينكليۋزيۆتى قوعامعا ەنگىزدىم. قۇرىلىس ەرەجەسىندە ءبىز قازىر وسىنداي وكىلەتتىككە يە بولدىق. مەملەكەت باسشىسى الماتىنىڭ ەرەكشە مارتەبەسى تۋرالى زاڭعا وزگەرىستەر مەن تولىقتىرۋلارعا قول قويدى، وندا نىسانداردى قابىلداۋ، تالاپتار بويىنشا ماسەلەلەر كوزدەلەدى. الماتى قالاسىنىڭ ديزاين-كودىندا ءبىز قاجەتتى زاتتاردى بەكىتتىك»، - دەدى ەربولات دوساەۆ.
تەك اۋەزوۆ اۋدانىندا جىل سوڭىنا دەيىن 5 جەرۇستى وتكەلى جاڭا ستاندارت بويىنشا قايتا جاڭارتىلادى.
مەگاپوليس باسشىسىنىڭ ايتۋىنشا، ليفت كىلتىنىڭ ورنىنا ازاماتتاردىڭ، ونىڭ ىشىندە قارتتار مەن ەرەكشە قاجەتتىلىگى بار ازاماتتاردىڭ جەڭىلدەتىلگەن ساناتىن ەسكەرەتىن «وناي» كارتوچكالارىن پايدالانۋ مۇمكىندىگى قاراستىرىلۋدا.
«وكىنىشكە قاراي، كەيبىر قالا تۇرعىندارىنىڭ مادەنيەتى تومەن، بۇل وتكەلدە ءليفتتى پايدالانۋعا قاتىستى. سوندىقتان، ءبىز وعان شىنىمەن مۇقتاج جانداردىڭ مۇددەسى ءۇشىن شەكتەۋلەر ەنگىزۋگە ءماجبۇرمىز»، - دەدى الماتى اكىمى.
حابارلانعانداي، اۋدانداعى ليفتتەر وسى جىلدىڭ سوڭىنا دەيىن جوندەلەدى.
Abai.kz