تالدىقورعان قالاسى ءبىلىم ءبولىمىنىڭ باسشىسى سوتتالدى. بۇل تۋرالى انتيكور حابارلادى.

اعىمداعى جىلدىڭ 17 شىلدەسىندە جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى تالدىقورعان قالاسىنىڭ ءبىلىم ءبولىمىنىڭ باسشىسى ج. جولدىحانوۆقا قاتىستى ۇكىم شىعاردى.

ول بيۋدجەت قاراجاتىن جىمقىرۋ فاكتىلەرىن جاسىرعانى جانە جۇمىستان بوساتپاعانى ءۇشىن وسى ءبولىمنىڭ باس بۋحگالتەرىنەن 280 ملن تەڭگە كولەمىندە پارا العانى ءۇشىن كىنالى دەپ تانىلدى.

ج. جولدىحانوۆ 11 جىلعا باس بوستاندىعىنان ايىرىلدى جانە ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى. الدىن الۋ شارالارى اياسىندا تىڭداۋلار سوتتالعان ۇجىمنىڭ قاتىسۋىمەن ءوتتى.

ۇكىم زاڭدى كۇشىنە ەنگەن جوق.

جەتىسۋ وبلىسىندا سىبايلاس جەمقورلىققا قارسى قىزمەت ۇيىمداسقان قىلمىستىق توپ قۇرۋ جانە وعان بيۋدجەت قاراجاتىن جىمقىرۋ ماقساتىندا قاتىسۋ فاكتىسى بويىنشا تالدىقورعان قالاسىنىڭ ءبىلىم ءبولىمىنىڭ لاۋازىمدى تۇلعالارىنا قاتىستى بۇرىن باستالعان تەرگەۋدى اياقتاعانىن ەسكە سالامىز.

تۇراقتى ۇيىمداسقان قىلمىستىق توپ 2020 جىلدىڭ قاڭتارى مەن 2023 جىلدىڭ ناۋرىز ارالىعىندا تالدىقورعان قالاسىنىڭ اۋماعىندا قۇقىقبۇزۋشىلىق ءىس-ارەكەتتەرمەن اينالىستى.

ولار جۇيەلى تۇردە ءبىلىم بەرۋ سالاسىندا ناقتى جۇمىس ىستەمەگەن جەكە تۇلعالارعا، سونداي-اق وزدەرىنىڭ جەكە شوتتارىنا جالاقى اۋدارۋ ارقىلى بيۋدجەت قاراجاتىن جىمقىردى.

قىلمىستىق ارەكەتتەردىڭ ناتيجەسىندە مەملەكەتكە 4,3 ملرد تەڭگە كولەمىندە زالال كەلتىرىلدى.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz