تاسقىن سۋ مەن اپتاپ ىستىق شەگىرتكەنىڭ قاپتاۋىنا سەبەپشى دەيدى جاۋاپتىلار.

اتىراۋدا شەگىرتكەلەر شارۋالاردىڭ جۇمىسىن توقتاتىپ، ەگىستىك القاپتاردى جايپاپ، اۋلاداعى باۋ-باقشانى وتاپ جاتىر. جاعدايدىڭ ۋ شىققانى سونشا،  زالالسىزداندىرۋ جۇمىستارى دا كومەكتەسپەي وتىر.

"بيىلعى جىلى بىزگە ۇلكەن كەدەرگى كورسەتىپ تۇرعان شەگىرتكە اۋداندى باسىپ الدى. سول شەگىرتكە ۇلكەن زيان اكەپ تۇر ەگىنگە. كەشە وتىرعىزعان قيار، ءسابىز، پياز، قاربىزدىڭ ءبارىن جەپ قويدى. ۋ شاشىلدى، بىراق قايتا پايدا بولدى. شەگىرتكە ءالى كەتپەي تۇر. قالاي كۇرەسۋ كەرەك بىلمەيمىز. ۇكىمەت تاراپىنان كومەك بولسا", – دەدى شارۋا ساندۋعاش جارمۇحامبەتوۆا. 

قازىر وڭىردە جاندىكتىڭ يتاليالىق جانە ازيالىق تۇرلەرى كەڭ تاراعان. بيىل بۇل شارۋاعا وبلىس بيۋدجەتىنەن 58 ميلليون تەڭگە بولىنگەن ەكەن.

"ساياق شەگىرتكەلەرى 12 جىلدا ءبىر رەت قاتتى تارالادى. بيىل سول شارىقتاۋ شەگىنە كەلىپ تۇر. ەكىنشى سەبەپ – سۋ تاسقىنى. وسىنىڭ سەبەبىنەن قالاعان جاقىن جەرلەرگە، ەلدىمەكەندەرگە كىرىپ، قولايسىزدىق تۋدىرىپ جاتىر", – دەدى اتىراۋ وبلىستىق انتيسانيتارلىق دياگنوستيكا جانە بولجامدار ادىستەمەلىك ورتالىعىنىڭ باسشىسى حاميدوللا داۋلەتقاليەۆ.

ماماندار شەگىرتكەلەر دالالىق ايماقتا دەرناسىل سالاتىن جايلى مەكەن ىزدەيتىنىن ايتادى. ياعني زيانكەستەر تاڭداعان جەر – تابيعي تىڭايتقىش. بىراق بيىل شەگىرتكەگە ازىق بولعان جەرگە كەلەر جىلى ءشوپ شۇيگىن شىعادى دەگەن بولجام بار.

Abai.kz