توقاەۆ پەن ميرزيوەۆ تەلەفون ارقىلى سويلەستى
مەملەكەت باسشىسى وزبەكستان پرەزيدەنتىمەن تەلەفون ارقىلى سويلەستى. بۇل تۋرالى اقوردا حابارلادى.
اڭگىمەلەسۋ بارىسىندا قاسىم-جومارت توقاەۆ شاۆكات ميرزيوەۆتى تۋعان كۇنىمەن قۇتتىقتاپ، وعان باق-بەرەكە جانە وزبەكستان حالقىنىڭ يگىلىگى جولىنداعى جاۋاپتى قىزمەتىنە تابىس تىلەدى.
قاسىم-جومارت توقاەۆ قازاقستان مەن وزبەكستان اراسىنداعى دوستىق، تاتۋ كورشىلىك جانە وداقتاستىق قاتىناستارىن نىعايتۋعا شاۆكات ميرزيوەۆتىڭ قوسقان زور ۇلەسىن جوعارى باعالايتىنىن جەتكىزدى.
پرەزيدەنتتەر ەكىجاقتى ءوزارا ىقپالداستىقتىڭ جوعارى قارقىنىن اتاپ ءوتىپ، ساۋدا-ەكونوميكالىق، كولىك-لوگيستيكالىق، ەنەرگەتيكالىق جانە مادەني-گۋمانيتارلىق سالالارداعى ىنتىماقتاستىقتى ارتتىرۋدىڭ پەرسپەكتيۆالارىن تالقىلادى.
تاراپتار ايماقتىق جانە حالىقارالىق كۇن تارتىبىندەگى وزەكتى ماسەلەلەردى قاراستىردى. سونداي-اق جوعارى دەڭگەيدەگى بايلانىستاردىڭ الداعى كەستەسىن پىسىقتادى.
Abai.kz
