پاۆلودار وبلىستىق اكىمدىگى "مايقايىڭ-التىن" اق تاۋ-كەن اۋدانىنداعى وپىرىلعان جەردە ىزدەستىرۋ جۇمىستارى جالعاسىپ جاتقانىن حابارلادى.

اكىمدىكتىڭ حابارلاۋىنشا، كەشە كەشكىسىن قازبا جۇمىستارى كەزىندە قۇتقارۋشىلاردىڭ اۆتوبۋسى تابىلدى. بۇگىن تاڭعى ساعات 05.00-دەن باستاپ ىزدەۋ جۇمىستارى قايتا باستالدى.

قازىرگى تاڭدا اۋا رايىنىڭ قولايسىزدىعىنا بايلانىستى جۇمىستار اسا ساقتىقپەن جۇرگىزىلىپ جاتىر.

"بۇگىن تاڭعى ساعات 05.00-دەن باستاپ ىزدەستىرۋ جۇمىستارى قايتا جانداندى. قازىرگى ۋاقىتتا كولىكتىڭ الدىڭعى بولىگىنە دەيىن جەتۋ مۇمكىن بولدى، بامپەرى مەن دوڭعالاعى عانا كورىندى", – دەلىنگەن حابارلامادا.

55 جاستاعى ءتورتىنشى قۇتقارۋشى، جۇرگىزۋشى ايىپ تىلەۋبەرگەنوۆتىڭ دەنەسى ءالى تابىلعان جوق.

Abai.kz