پاريج-2024: بۇگىن وليمپيادا باستالادى!
![](https://abai.kz/content/uploads/2024/07/IMG_9263.jpeg)
بۇگىن پاريجدە XXXIII جازعى وليمپيادا ويىندارىنىڭ سالتاناتتى اشىلۋ ءراسىمى وتەدى، دەپ حابارلايدى Abai.kz.
وليمپيادا ويىندارىن «Qazaqstan»، «Qazsport»، «Jibek Joly»، «حابار» جانە «ەل ارنا» تەلەارناسىنان تىكەلەي ەفير ارقىلى كورە الاسىزدار. استانا ۋاقىتى بويىنشا باستالۋى 22:30-دا.
وليمپيادانى بەس تەلەارنادان 26 كوممەنتاتور جۇرگىزەدى.
جازعى وليمپيادا ويىندارىنىڭ اشىلۋ سالتاناتى العاش رەت ەرەكشە باستالماق. ادەتتەگىدەي اشىلۋ سالتاناتى ستاديوندا ەمەس، بارلىق قاتىسۋشى 10500 سپورتشى سەنا وزەنىنىڭ بويىندا ءجۇزىپ ءوتىپ، ءپاريجدىڭ ورتالىعىن كەسىپ وتپەك.
پاريجدەگى وليمپيادادا قازاقستان قۇراماسى ونەر كورسەتەدى: تۋرنيرگە قاتىسۋ ءۇشىن سپورتتىڭ 25 تۇرىنەن 93 ليتسەنزيا بار. باستاپقىدا قازاقستاننىڭ اتىنان 80 سپورتشى قاتىسادى دەپ جوسپارلانعان بولاتىن، الايدا وليمپيادا ويىندارىنىڭ رەسمي باستالۋى قارساڭىندا مەدالعا باستى ۇمىتكەرلەردىڭ ءبىرى — تەننيسشى ەلەنا رىباكينانىڭ باس تارتقانى بەلگىلى بولدى.
Abai.kz