اشىق نقا پورتالىندا انالىق ءىرى قارانىڭ (سيىر) جانە ۇساق مالدىڭ (قوي-ەشكى) ەكسپورتىنا 6 ايعا تىيىم سالۋدى جوسپارلاپ وتىرعانى جاريالاندى. بۇل تۋرالى اۋىل شارۋاشىلىعى مينيسترلىگى حابارلادى.

تىيىم مەملەكەت باسشىسىنىڭ 3 جىلدا اگروونەركاسىپ كەشەنىندەگى قايتا وڭدەۋ ونىمدەرىنىڭ ۇلەسىن 70 پايىزعا جەتكىزۋ بويىنشا مىندەتىن ورىنداۋ ءۇشىن ەنگىزىلمەك. 

ماماندار ەلىمىزدە ءىرى قارا جانە ۇساق مال باسى ءوسىپ كەلە جاتقانىن اتاپ وتكەن. 

"ستاتيستيكالىق مالىمەتتەرگە سايكەس، 2023 جىلى مال شارۋاشىلىعى ءونىمىنىڭ كولەمى 3,3 پايىزعا ءوسىپ، 4 319,7 ميلليارد تەڭگەنى قۇرادى. سويىس سالماعىندا ەت ءوندىرۋ 5 پايىزعا (1302,6 مىڭ توننا), ءتىرى سالماقتا ەت 4,6 پايىزعا (2265,5 مىڭ توننا) ءوستى. سونداي-اق، ءىرى قارا مال باسىنىڭ 0,8 پايىزعا (8,6 ملن باس), قوي 1,2 پايىزعا (19,7 ملن باس) ءوسىمى بايقالادى. سوڭعى جىلدارى وتاندىق ءوندىرىس ەسەبىنەن شۇجىق ونىمدەرىن ىشكى نارىققا جەتكىزۋ 60 پايىزدان كەم ەمەس (2022 جىلى – 61 پايىز، 2023 جىلى – 60 پايىز)", – دەلىنگەن اۋىل شارۋاشىلىعى مينيسترلىگىنىڭ جازباسىندا.

Abai.kz