ۋاقىت بەلدەۋىن بۇرىنعى رەجيمگە قايتارۋ تۋرالى پەتيتسيانى تالقىلاۋ كەزىندە ساۋدا جانە ينتەگراتسيا ۆيتسە-ءمينيسترى قايرات بالىقباەۆ جاۋاپتى مەملەكەتتىك ورگاننىڭ الدىن الا شەشىمىن جاريالادى، دەپ حابارلايدى Abai.kz kaz.inform.kz-كە سىلتەمە جاساپ.

2 ساعاتتان استام ۋاقىتقا سوزىلعان جيىندا ەكى تاراپ ورتاق شەشىمگە كەلە المادى. وتىرىستىڭ توراعاسى رەتىندە ءسوز العان قايرات بالىقباەۆ پەتيتسيا تالابىنا بايلانىستى شەشىم جوباسىن جاريالادى.

دەگەنمەن ول بۇل ايتىلعان شەشىم تەك جوسپار عانا ەكەنىن، ناقتى شەشىم ەمەستىگىن ەسكەرتتى.

«مەن الدىن الا شەشىمدى ايتايىن دەپ وتىرمىن. ۋاقىت بەلدەۋىن بۇرىنعى قالپىنا قايتارۋ تۋرالى پەتيتسيا وكىلدەرىنىڭ ۋاجدەرىن تالقىلاي كەلىپ، ول تالاپتى ورىنداۋدان باس تارتۋ جونىندە شەشىم قابىلداۋعا بەكىنىپ وتىرمىز. مەن بۇگىنگى جيىننىڭ توراعاسى رەتىندە وسى 1,5 اي ىشىندە سىزدەر اتقارعان بۇكىل جۇمىستىڭ قورىتىندىسى بويىنشا ءوتىنىم بەرۋشىلەر كەلتىرگەن ۋاجدەردىڭ ەشبىرىن دالەلدەيتىن فاكتىلەر تابىلعان جوق. ۋاقىت بەلدەۋىنىڭ وزگەرۋى ازاماتتاردىڭ دەنساۋلىعىنا دا، ەلەكتر قۋاتىن تۇتىنۋ شىعىندارىنا دا اسەر ەتكەن جوق»، - دەدى ۆيتسە-مينيستر.

Abai.kz