"اەس ەكولوگيا تۇرعىسىنان ءتيىمدى". قر ەكولوگيا جانە تابيعي رەسۋرستار ۆيتسە-ءمينيسترى الماتىدا وتكەن اەس قۇرىلىسى بويىنشا قوعامدىق تىڭدالىمدا وسىلاي دەپ مالىمدەدى. 

قازاقستاندا اەس سالۋ بويىنشا قوعامدىق تالقىلاۋ بارىسىندا ەكولوگيا جانە تابيعي رەسۋرستار ۆيتسە-ءمينيسترى جومارت اليەۆ اتوم ەلەكتر ستانتسيالارى ەكولوگيا تۇرعىسىنان بارىنشا ءتيىمدى ەكەنىن اتاپ ءوتتى.

"بۇل داۋسىز دەرەك. ەلەكتر ەنەرگياسىن وندىرەتىن كەز-كەلگەن باسقا وبەكت قورشاعان ورتاعا بەلگىلى ءبىر دارەجەدە زيان كەلتىرەدى. كومىر ستانتسيالارى اتموسفەراعا لاستاۋشى زاتتاردىڭ كوپ مولشەرىن شىعارادى، گيدروەلەكتروستانتسيالار ۇلكەن اۋماقتا سۋ باسۋى مۇمكىن، ءتىپتى جاڭارتىلاتىن ەنەرگيا كوزدەرى شۋ اسەرىن تۋدىرادى جانە فلورا مەن فاۋناعا كەرى اسەرىن تيگىزەدى. ەلەكتر ەنەرگياسىن الۋدىڭ بارلىق تاسىلدەرىنىڭ ىشىنەن ەكولوگيالىق تازا جانە قاۋىپسىزىن تاڭداۋ قاجەت", - دەدى سپيكەر.

سونىمەن قاتار، ۆيتسە-مينيستر قازاقستاندا كەز كەلگەن ەلەكتر ستانتسيالارىن سالۋعا قويىلاتىن تالاپتار ەكولوگيالىق زاڭناماعا سايكەس كۇشەيتىلگەنىن ەسكە سالدى.

"ەگەر رەفەرەندۋمدا اەس سالۋ تۋرالى شەشىم قابىلدانسا، وندا بارلىق كەيىنگى ارەكەتتەر مىندەتتى تۇردە جالپى حالىقتىڭ قاتىسۋىمەن ەكولوگيالىق ساراپتاما وبەكتيۆىنەن وتەدى", - دەپ تولىقتىردى جومارت اليەۆ.

Abai.kz