تاعى دا اەس تۋرالى ەكى اۋىز ءسوز: وسىعان دەيىن مۇحتار جاكىشەۆ باستاپ، وزگەلەرى قوستاعان تۇرلە ساناتتاعى ماماندار مەن ساراپشىلاردىڭ اەس قۇرىلىسىنا قاتىستى پىكىرلەرىنەن وي تۇيۋگە تىرىستىق.

ءبىر نارسە انىق. ول – قازاقستانعا اەس كەرەك. سەبەبى، قازاقستاندا ەنەرگيا تاپشىلىعى ءال-ازىردەن بىلەنە باستادى. بۇل دا سارپاشىلاردىڭ پىكىرى. دەسە دە، بۇل ساۋالعا كەلگەندە دە قوعام پىكىرى قاققا جارىلادى. ءبىر تاراپ – اەس قۇرىلىسىنا قارسىلىق بىلدىرسە، كەلەسى تاراپ – كەرىسىنشە، «قازاقستانعا اەس كەرەك» دەگەن پوزيتسيانى ۇستانادى. ءۇشىنشى تاراپ تاعى بار. ولار: «قازاقستانعا اەس سالۋ كەرەك. بىراق، ونى رەسەي سالماۋى كەرەك»، - دەگەن قاتاڭ پوزيتسيادا.

سونىمەن، بۇل ماسەلەگە قر ەنەرگەتيكا ءمينيسترى الماسادام ساتقاليەۆ تە ارالاسىپ، ءوز پىكىرىن ءبىلدىرىپتى. مينيستر مىرزا بۇيدەيدى:

«قازىردىڭ وزىندە ونەركاسىپ، مەتاللۋرگيا، كولىك، IT, مەديتسينا، فارماتسەۆتيكا جانە اۋىل شارۋاشىلىعى ونىمدەرىن قايتا وڭدەۋ سياقتى سەكتورلاردا جاڭا جوبالاردى ىسكە اسىرۋ ءۇشىن ەلەكتر ەنەرگياسىنىڭ ەداۋىر كولەمى (شامامەن 8 گۆت) قاجەت. بۇل جوبالار جاڭا جۇمىس ورىندارىن قۇرۋعا، ەكونوميكالىق ءوسۋدى ىنتالاندىرۋعا جانە ازاماتتاردىڭ ءال-اۋقاتىن ارتتىرۋعا قابىلەتتى. الايدا ولاردىڭ دامۋى قازىر ەلدەگى ەنەرگيا قۋاتىنىڭ جەتىسپەۋشىلىگىمەن شەكتەلۋدە.

الەمدىك تاجىريبە كورسەتىپ وتىرعانداي، اتوم ەلەكتر ستانتسياسىنىڭ قۇرىلىسى شىعاتىن قۋاتتاردى اۋىستىرۋ جانە قازاقستاننىڭ ەنەرگياعا تاۋەلسىزدىگىن قامتاماسىز ەتۋ ءۇشىن جالعىز دۇرىس شەشىم بولىپ كورىنەدى. قازىرگى كەزەڭدە اەس-كە بالاما جوق»، - دەيدى مينيستر ساتقاليەۆ ۇكىمەت وتىرىسىندا.

Abai.kz