قازىرگى ۋاقىتتا  مەملەكەتتىك تاپسىرىس اياسىندا قازاق تىلىندەگى كوركەم ادەبي كىتاپتاردى باسىپ شىعارۋ جانە ونى تاراتۋ ءىسى ءبىرشاما جولعا قويىلا باستادى. ەلىمىزدەگى باسپالاردان جىل سايىن ءارتۇرلى سەريالار بويىنشا شىعىپ جاتقان كىتاپتار از تارالىممەن بولسا دا، ەڭ ءبىرىنشى كەزەكتە رەسپۋبليكا كىتاپحانالارى مەن كىتاپ دۇكەندەرىنە تاراتىلۋدا.

مەملەكەتتىك ءتىلدىڭ قول­دانۋ اياسىن ۇلعايتىپ، ادەبيەتىمىزدىڭ كوك­جيەگىن كەڭەيتەتىن ءبىر سالا – كوركەم اۋدار­ما. بۇل باعىتتا دا جەرگىلىكتى اۋدارما­شى­لار، بۇگىنگى وقىرمانعا قاجەتتى دە قىزىقتى دەلىنگەن شەتەل جازۋشىلارىنىڭ تۋىندى­لارىن ءتارجىمالاۋدا. بۇل ءوز كەزەگىندە قازاق وقىرماندارىنىڭ الەم ادەبيەتىمەن ءوز انا تىلىندە سۋسىن­داۋىنا مۇمكىندىكتەر بەرمەك.

قازىرگى ۋاقىتتا  مەملەكەتتىك تاپسىرىس اياسىندا قازاق تىلىندەگى كوركەم ادەبي كىتاپتاردى باسىپ شىعارۋ جانە ونى تاراتۋ ءىسى ءبىرشاما جولعا قويىلا باستادى. ەلىمىزدەگى باسپالاردان جىل سايىن ءارتۇرلى سەريالار بويىنشا شىعىپ جاتقان كىتاپتار از تارالىممەن بولسا دا، ەڭ ءبىرىنشى كەزەكتە رەسپۋبليكا كىتاپحانالارى مەن كىتاپ دۇكەندەرىنە تاراتىلۋدا.

مەملەكەتتىك ءتىلدىڭ قول­دانۋ اياسىن ۇلعايتىپ، ادەبيەتىمىزدىڭ كوك­جيەگىن كەڭەيتەتىن ءبىر سالا – كوركەم اۋدار­ما. بۇل باعىتتا دا جەرگىلىكتى اۋدارما­شى­لار، بۇگىنگى وقىرمانعا قاجەتتى دە قىزىقتى دەلىنگەن شەتەل جازۋشىلارىنىڭ تۋىندى­لارىن ءتارجىمالاۋدا. بۇل ءوز كەزەگىندە قازاق وقىرماندارىنىڭ الەم ادەبيەتىمەن ءوز انا تىلىندە سۋسىن­داۋىنا مۇمكىندىكتەر بەرمەك.

بۇگىندە «تۋران-ازيا»  حولدينگ-ورتالىعى الىس-جاقىن شەتەلدىك اۆتورلاردىڭ ۇزدىك كوركەم تۋىندىلارىنىڭ قازاق تىلىندەگى نۇسقاسىن ءتارجىمالاپ، بۇرىنعى باسىلعاندارىن جاڭاشا رەداكتسيالاپ شىعارۋمەن اينالىسىپ كەلەدى. وتكەن 2013 جىلى فرانتسۋز جازۋشىسى الەكساندر ديۋمانىڭ اتاقتى ء«ۇش نويان»(تارجىمالاعان:ءا.جۇماباەۆ) جانە «گراف مونتە كريستو» (2 توم، تارجىمالاعاندار: ءا.جۇماباەۆ، ق.جۇماعاليەۆ) اتتى كىتاپتارىنىڭ قازاق تىلىندەگى نۇسقاسى ارقايسىسى 3000 تارالىممەن جارىق كوردى. الەم ادەبيەتىنىڭ وزىق تۋىندىلارىن قازاق وقىرماندارىنا ۇسىنىپ كەلە جاتقان حولدينگ-ورتالىقتان  بۇعان قوسا جۋىردا دەن براۋننىڭ  «دا ۆينچي كودى» (تارجىمالاعان: مەكەەۆ ب. ت.) جانە اگاتا كريستيدىڭ «لورد ەدجۆەردىڭ ءولىمى» (تارجىمالاعان:س. ارپابەكوۆ) اتتى كىتابىن قازاق تىلىنە اۋدارىپ باسىپ شىعاردى.

جاڭا جارىق كورگەن جانە ال­داعى كەزدە باسىلىپ شىعاتىن اۋدارما كىتاپتارعا جەكەلەگەن ادامدار، وقۋ ورىندارى مەن كىتاپحانالار ارنايى تاپسىرىس بەرىپ الدىرتا الادى. اتالعان كىتاپتاردى  262-14-28, 262-14-42, 262-14-36 (117) تەلەفون نومەرلەرىنە حابارلاسىپ، تاپسىرىس بەرۋ ارقىلى الۋعا بولادى. نەمەسە مىنا ەلەكتروندى مەكەن –جايعا جازىپ جىبەرسەڭىزدەر بولادى: ak_lima_90@mail.ru

الەم كلاسسيكتەرىنىڭ وزىق تۋىندىلارى قاشاندا وقىرماندار اراسىندا ۇلكەن سۇرا­نىسقا يە بولىپ وتىراتىندىقتان، اۋدار­­ما كىتاپتار باسپاحانا مەن سورە­لەردە شاڭ باسىپ قالماسى انىق. قانشا  جەر­دەن ينتەرنەت دامىپ، ەلەكتروندى وقۋ­لىق پەن كىتاپتار قولدانىسقا ەنە باس­تاسا دا، قولعا ۇستاپ وقيتىن كىتاپتىڭ قادىر-قاسيەتى ەرەك­شە ەكەنى بەلگىلى. مۇنى اسىرەسە جاس بۋىن وكىلدەرى تەرەڭ ۇعىنۋعا ءتيىس.

قازىر ەلىمىزدەگى جوو-لاردا ءبىلىم الىپ جۇرگەن 600 مىڭنان استام جاس­تىڭ 52 پايىزى مەملەكەتتىك ءتىل – قازاق تىلىندە ءبىلىم الادى. الداعى جىل­دار­دا مەملەكەتتىك تىلدە ءبىلىم الاتىن جاستار 70 پايىزعا جەتەدى دەپ كۇتىلۋ­دە. بۇل ەلىمىزدىڭ جوعارى وقۋ ورىندارىنا قازاق تىلىندەگى وقۋلىقتار مەن كوركەم ادەبي كىتاپتاردىڭ مولىنان  قا­جەت ەكەنىن ايقىنداي تۇسەدى. رەسمي ەسەپ بويىنشا قازىرگى كۇنى ەلىمىزدە 50 ميلليون كىتاپ بولسا، مۇنىڭ 8 ميلليونعا جۋىعى عانا قازاق تىلىندە ەكەن.  

بۇل بىزدەن قازاقتىلىندەگى وقۋلىقتار مەن كىتاپتاردى كوپتەپ شىعارۋدى تالاپ ەتەدى. بۇگىندە جوعارى وقۋ ورىندارى ءۇشىن اسا قاجەت بازالىق وقۋلىقتار مەن وزگە دە كوركەم كىتاپتاردى باسىپ شىعارۋعا مەم­لەكەت بيۋدجەتىنەن بولىنەتىن ارنايى قارجى كولەمى جىل سايىن ءوسىپ وتىر­عاندىعىن ايتا كەتكەن ءجون. «تۋران-ازيا»  حولدينگ-ورتالىعىنىڭ كوركەم اۋدارماعا قاتىستى يگى جوباسى الداعى ۋاقىتتا دا جالعاسىن تاۋىپ وتىرماق.

اباي-اقپارات