قر پارلامەنتى ءماجىلىسىنىڭ دەپۋتاتى اسقار سادىقوۆ دەپۋتاتتىق مانداتىنان ايىرىلىپ، پارتيادان شىعارىلدى. بۇل تۋرالى «اق جول» دەموكراتيالىق پارتياسىنىڭ توراعاسى ازات پەرۋاشەۆ مالىمدەدى.

«قر ورتالىق سايلاۋ كوميسسياسى «اق جول» دەمپارتياسىنىڭ ۇسىنىمىن بويىنشا ءماجىلىس دەپۋتاتى اسقار سادىقوۆتى دەپۋتاتتىق مانداتىنان ايىردى.

بۇل شەشىمگە ا. سادىقوۆتىڭ دەپۋتاتتىڭ مارتەبەسىنە ساي كەلمەيتىن ارەكەتتەرگە بارعانى نەگىز بولدى.

اتالمىش فاكتىنى پارتيالىق ورگاندار ءوز بەتىنشە انىقتاعان جانە قدپ پلەنۋمىندا قارالعان سوڭ، ا. سادىقوۆ پارتيادان شىعارىلدى، سوعان بايلانىستى ول دەپۋتاتتىق مانداتىنان ايىرىلدى»، - دەپ جازدى ازات تۇرلىبەكۇلى.

Abai.kz