مەملەكەت باسشىسىنىڭ «تازا Qazaqstan» جالپىۇلتتىق باستاماسى اياسىندا «AMANAT» پارتياسى استانا قالالىق فيليالىنىڭ ۇيىمداستىرۋىمەن «قالالىق جايلى ورتا» جوباسى اياسىندا اۋلانى تۇرعىندارمەن تازالاۋ، سىرلاۋ، كوشەتتەردى اكتەۋ جۇمىستارى جۇرگىزىلدى.

الماتى اۋدانى اكىمدىگىنىڭ قولداۋىمەن جۇزەگە اسقان اتالمىش شاراعا «AMANAT» پارتياسى استانا قالالىق فيليالىنىڭ وكىلدەرى، قالالىق ءماسليحات دەپۋتاتتارى، پارتيا بەلسەندىلەرى مەن تۇرعىندار قاتىستى.
«جايلى ورتا» جوباسى كوپقاباتتى تۇرعىن ۇيلەردىڭ اۋلالارىندا ءىس-شارالاردى ۇيىمداستىرۋ ارقىلى قالا تۇرعىندارىنىڭ ءومىر ءسۇرۋ ساپاسىن جاقسارتۋعا باعىتتالعان. جوبانىڭ نەگىزگى ماقساتى – قولايلى، قاۋىپسىز، جايلى جانە زاماناۋي قالالىق ورتا قۇرۋ، اۋلا اۋماقتارىن اباتتاندىرۋ جانە تۇرعىنداردىڭ بەلسەندىلىك دەڭگەيىن ارتتىرۋ.

«جايلى ورتا» جوباسى قالادا جانە تۇرعىن ءۇي الاپتارىندا قس پەن ميب ارقىلى اۋلا جانە قوعامدىق اۋماقتاردى اباتتاندىرۋ بارىسىندا كەڭ قوعامدىق قاتىسۋدى جانە اباتتاندىرۋ باعدارلامالارىن ىسكە اسىرۋدىڭ ءاربىر كەزەڭىندە قوعامدىق باقىلاۋدى قامتاماسىز ەتە وتىرىپ، «حالىق قاتىساتىن بيۋدجەتى» باعدارلاماسى ارقىلى ىسكە اسىرىلادى.

جوبا اياسىندا جەرگىلىكتى اۆتورلاردىڭ كونتسەرتتەرى، كونكۋرستارى، كىتاپتار، كارتينالار كورمەلەرى. سپورتتىق ءىس-شارالار: فۋتبول، باسكەتبول، ۆولەيبول، اشىق اۋادا يوگا جانە فيتنەس ساباقتارىنان اۋلا تۋرنيرلەرى ۇيىمداستىرىلادى.

قولايلى زاماناۋي قالالىق ورتا قۇرۋ جانە تۇرعىنداردىڭ قاتىسۋىمەن اۋلا اۋماقتارىن كەشەندى اباتتاندىرۋ جوسپارلارىنىڭ جۇزەگە اسىرىلۋىن باقىلاۋ.

Abai.kz