«مەملەكەت باسشىسى الەۋمەتتىك قولداۋ جۇيەسىنىڭ تيىمدىلىگىن ارتتىرۋدى تاپسىردى. بۇل ماقساتتا وتباسىنىڭ تسيفرلىق كارتاسىنداعى مالىمەتكە ساي شۇعىل جانە داعدارىس ساناتتارىنا جاتقىزىلعان وتباسىلار سانىن ازايتۋ جونىندەگى جۇمىستار جالعاسادى. وزدەرىڭىز بىلەتىندەي، بۇل شارا ءار وتباسىمەن جەكەلەي جۇمىس ىستەپ، ولاردىڭ مۇمكىندىگىنە قاراي مەيىلىنشە وڭتايلى مەملەكەتتىك قولداۋ تۇرلەرىن ۇسىنۋعا باعىتتالعان»، - دەدى تامارا دۇيسەنوۆا ۇكىمەت وتىرىسىندا.

ودان ءارى ۆيتسە-پرەمەر الەۋمەتتىك ءاميان جوباسىنا توقتالدى.

«وندا ءار وتباسىعا الەۋمەتتىك مارتەبەسىنە قاراي ۇسىنىلاتىن بارلىق مەملەكەتتىك قولداۋ تۇرلەرى بولادى. سونداي-اق، قولداۋدىڭ ناقتى بەرىلۋ فاكتىسى نەگىزىندە مەملەكەت تاراپىنان كورسەتىلگەن كومەك سوماسى دا كورسەتىلەدى. بۇل شارالاردى جۇزەگە اسىرۋ ءتيىستى زاڭنامالارعا وزگەرىستەر ەنگىزۋدى تالاپ ەتەدى. ەڭبەك جانە حالىقتى الەۋمەتتىك قولداۋ مينيسترلىگى مۇددەلى مەملەكەتتىك ورگاندارمەن بىرلەسە وتىرىپ جىل سوڭىنا دەيىن نورماتيۆتىك-قۇقىقتىق اكتىلەردى قابىلدايدى»، - دەيدى ت. دۇيسەنوۆا.