ۇكىمەت باسشىسى پرەزيدەنت جولداۋىن جۇزەگە اسىرۋ اياسىندا ءبىلىم مينيسترلىگىنە ءبىلىم سالاسى بويىنشا بىرقاتار تاپسىرما بەردى.

1 جەلتوقسانعا دەيىن جۇمىسشى ماماندىقتارى جىلى شەڭبەرىندە تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋدى رەفورمالاۋ جونىندەگى كەشەندى جوسپاردى ازىرلەپ، بەكىتۋى قاجەت;

➤ جىل سوڭىنا دەيىن حالىقتىڭ تابىسىن ەسكەرە وتىرىپ، مەكتەپكە دەيىنگى ءبىلىم بەرۋگە ارنالعان جان باسىنا شاققانداعى قارجىلاندىرۋدى ەنگىزۋ ءۇشىن نورماتيۆتىك قۇقىقتىق اكتىلەرگە وزگەرىستەر مەن تولىقتىرۋلار جوباسىن ازىرلەسىن;

➤ قارجى، ۇلتتىق ەكونوميكا مينيسترلىكتەرىمەن، اكىمدىكتەرمەن بىرلەسىپ، قارجىلاندىرۋ كوزدەرىن ايقىنداپ، 1 جەلتوقسانعا دەيىن ورتا ءبىلىم بەرۋ نىساندارىنا كۇردەلى جوندەۋ جۇرگىزۋ جونىندەگى 2025-2027 جىلدارعا ارنالعان جوسپار بەكىتىلسىن;

➤ مادەنيەت جانە اقپارات مينيسترلىگى جىل سوڭىنا دەيىن ينجەنەرلەر، گەولوگتار، كولىك، اگرارلىق جانە سۋ سالالارىنىڭ جۇمىسكەرلەرى، سونداي-اق عالىمدار مەن باسقا دا ماماندىقتاردىڭ وكىلدەرى ءۇشىن قۇرمەتتى اتاقتاردى قوسۋ بولىگىندە «مەملەكەتتىك ناگرادالار تۋرالى» زاڭعا وزگەرىستەر ازىرلەپ، ەنگىزۋى كەرەك;

➤ عىلىم مينيسترلىگى سالالىق مەملەكەتتىك ورگاندارمەن بىرلەسىپ، عىلىمي تاعىلىمدامالارعا ارنالعان گرانتتاردى ءبولۋ كەزىندە ەلىمىزدىڭ عىلىمي-تەحنولوگيالىق دامۋ مىندەتتەرىن ەسكەرە وتىرىپ، ينجەنەرلىك-تەحنولوگيالىق باعىتتاردىڭ باسىمدىعىن بەلگىلەۋى قاجەت.

Abai.kz