قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى قازاقستان قانداي جاڭا جەر سەرىكتەرىن ۇشىرۋدى جوسپارلاپ وتىرعانىن مالىمدەدى دەپ حابارلايدى Abai.kz اقپاراتتىق پورتالى. 

قازاقستاننىڭ «GHALAM» جشس كومپانياسى 2023 جىلدان باستاپ عارىش اپپاراتتارىن قۇراستىرۋ-سىناۋ كەشەنى بازاسىندا «KazEOSat-MR» جەردى قاشىقتان زوندتاۋدىڭ ءۇش جەر سەرىگىنەن تۇراتىن توپتامانى قۇرۋ بويىنشا جۇمىستاردى اتقارىپ جاتىر. ولاردى ۇشىرۋ 2026 جىلعا جوسپارلانعان، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

ۆەدومستۆو اقپاراتىنا قاراعاندا، 2029 جىلعا قاراي «KazSat-3» بايلانىس سپۋتنيگىن جاڭاسىنا اۋىستىرۋ قاراستىرىلعان. جاڭا اپپارات سۇرانىستى قاناعاتتاندىرۋدا جانە ەلدىڭ اقپاراتتىق قاۋىپسىزدىگىن قامتاماسىز ەتۋدە زاماناۋي تەحنيكالىق شەشىمدەردى قولدانۋعا ارنالعان. بۇل باعىتتا شەتەلدىك عارىش تەحنيكاسىن وندىرۋشىلەردەن الدىن الا تەحنيكالىق-كوممەرتسيالىق ۇسىنىستار الىندى. وسى رەتتە جوباعا قويىلاتىن تالاپتاردى قالىپتاستىرۋ جانە ونى قارجىلاندىرۋدى قامتاماسىز ەتۋ بويىنشا جۇمىستار باستالعان.

ەستەرىڭىزگە سالا كەتەيىك، 2014 جىلعى 28 ساۋىردە «KazSat-3» ءۇشىنشى ۇلتتىق گەوستاتسيونارلىق حابار تاراتۋ جانە بايلانىس سپۋتنيگى ءساتتى ۇشىرىلعان. «KazSat-3» سپۋتنيگىندە قازاقستان اۋماعىن بايلانىس قىزمەتىمەن قامتاماسىز ەتە الاتىن Ku-دياپازوندى 28 ترانسپوندەر ورناتىلعان. عارىش اپپاراتىنىڭ جۇمىس ىستەۋ مەرزىمى - 15 جىل.

قازاقستان مەن وزبەكستان بىرلەسىپ عارىشقا سپۋتنيك ۇشىرۋدى جوسپارلاپ وتىر.

دەرەككوزى: ulysmedia.kz

Abai.kz