قىزىلوردادا 16 جاستاعى قىزدى جەزوكشەلىككە سالىپ، قيناعان دەپ كۇدىككە ىلىنگەن 11 ادام قاماۋدا وتىر. بۇل تۋرالى ىشكى ىستەر ءمينيسترىنىڭ ورىنباسارى يگور لەپەحا ايتتى.

«بۇگىندە بىرنەشە باپ بويىنشا قىلمىستىق ءىس قوزعالدى، 13 ادام كۇدىكتى رەتىندە ۇستالىپ، 11 ادام قاماۋعا الىندى، ەكەۋى ۇيقاماقتا وتىر»، - دەدى ول.

لەپەحا ءجابىر كورگەن قىزدى ساتىپ العاندار دا تەكسەرىلەتىنىن راستادى.

ايتا كەتسەك، قىزىلوردا وبلىسىندا 16 جاستاعى قىزدى سىنىپتاستارى 8 اي بويى جەزوكشەلىكپەن اينالىسۋعا ماجبۇرلەپ، قۇلدىقتا ۇستاعان. ولار قىزدى ۇرىپ-سوعىپ، ازاپتاپ، بوپسالاپ، قورقىتقان. قىزدىڭ ءتانىن ساۋدالاي وتىرىپ ايىنا كەمىندە ەكى-ءۇش ميلليون تەڭگە تابىس تاپقان.

كامەلەتكە تولماعان قىزدىڭ جىنىستىق قىزمەتىن 200 ەر ادام ساتىپ العان.تاياۋدا بەلگىلى بولعانداي، جابىرلەنۋشىنىڭ بانك كارتاسىنا 1000 مىڭنان اسا جالپى سوماسى 13 ملن تەڭگەگە جۋىق اۋدارىم جاسالعان.

Abai.kz