ءمامس ارقىلى اعزا الماستىرۋ وپەراتسيالارىنا قۇنى 551,8 ملن تەڭگەدەن اساتىن 83 ترانسپلانتاتسيا جاسالعان، دەپ حابارلايدى  BAQ.KZ.

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە مەديتسينالىق ساقتاندىرۋ قورىنىڭ الماتى قالالىق فيليالى ديرەكتورى ءىلياس مۇحامەدجان مالىمدەدى.

- 2024 جىلى ءمامس ارقىلى 128 مىڭنان استام وپەراتسيا جاسالىپ، وعان 79,1 ملرد تەڭگە تولەنگەن. ونىڭ ىشىندە جوعارى تەحنولوگيالاردىڭ كومەگىمەن جاسالاتىن وپەراتسيالار مەن مانيپۋلياتسيالارعا قور 14,7 ملرد تەڭگە تولەدى. ساقتاندىرىلماعان ازاماتتار وسىنداي وپەراتسيالاردى جاساتاتىن بولسا قالتاسىنان بىرنەشە ميلليون تولەگەن بولار ەدى. 2024 جىلدىڭ 9 ايىندا  الماتى قالاسىندا 5200 كارديوحيرۋرگيالىق وپەراتسيا، 3300 نەيروحيرۋرگيالىق وتا، لور-ءپروفيلى بويىنشا 250 وپەراتسيا جاسالعان. سوڭعى كەزدە ارتروز، ارتريت سىندى بۋىن اۋرۋلارىنىڭ كوبەيۋىنە بايلانىستى تىزە، جامباس بۋىندارىن الماستىرۋشىلار سانى كۇرت ارتقانى بەلگىلى. 2024 جىلى الماتىلىق تراۆماتولوگتار وسىنداي 3500 وپەراتسيا جاساعان. وعان مسق 5,2 ملرد تەڭگە تولەدى، - دەدى ءىلياس مۇحامەدجان.

سونىمەن قاتار، اعزا الماستىرۋ وپەراتسيالارى دا ءمامس ارقىلى قارجىلاندىرىلادى. 2023 جىلى قۇنى 551,8 ملن تەڭگەدەن اساتىن 83 ترانسپلانتاتسيا جاسالدى. مۇنداي ءبىر عانا وتانىڭ ءوزى ورتا ەسەپپەن العاندا 7-9 ملن تەڭگە تۇرادى. وسى قىزمەتتەردىڭ ءبارىن ساقتاندىرىلعان ازاماتتار ءمامس ارقىلى قيىندىقسىز پايدالانىپ كەلەدى.

Abai.kz