بالا قۇقىقتارى جونىندەگى ۋاكىل دينارا زاكيەۆا قوستاناي وبلىسىندا ورتتەن قازا تاپقان بالالاردىڭ جاقىندارىنا پسيحولوگيالىق كومەك كورسەتىلەتىنىن ايتتى.

«ءورت سوندىرۋشىلەر ءورتتى تاڭعى ساعات 06:08-دە سوندىرگەن. ءتىلسىز جاۋ باستالعاندا ۇيدە 2011, 2016, 2018, 2019, 2022, 2023 جىلى تۋعان التى بالا اتا-اناسىنىڭ قاراۋىنسىز وتىرعان. الدىن الا مالىمەت بويىنشا، بالالاردىڭ اناسى كەشكە تانىسىنىڭ ۇيىنە كەتكەن، ال جۇبايى جازاسىن وتەۋ مەكەمەسىندە. وڭىرلىك ۋاكىل وقيعا ورنىندا. پسيحولوگتار بالالاردىڭ تۋىستارىنا قاجەتتى پسيحولوگيالىق كومەكتى كورسەتىپ جاتىر. اتا-انا مەن جاقىندارىنا كوڭىل ايتامىن»، - دەپ جازدى دينارا زاكيەۆا.

ايتا كەتەيىك، بۇعان دەيىن حابارلاعىنىمىزداي، بۇگىن تاڭعا جاقىن قوستاناي وبلىسىنداعى جىتىقارا كەنتىندە جەر ءۇي ورتەنىپ، ءورت سوندىرۋشىلەر ۇيدەن باس بالانىڭ ءمايىتىن تاپقان. باس پروكۋرور بەرىك اسىلوۆ وقيعانى باقىلاۋىنا الدى.

Abai.kz