تاريحقا ۇڭىلسەك، ادامزات قوعامىنىڭ بارلىق كەزەڭدەرىندە ءوزىنىڭ ۇشقىر ويى مەن تىنىمسىز ەڭبەگى ارقاسىندا ءوز ەلىن سول ءداۋىردىڭ بيىك ساتىسىنا كوتەرگەن كوشباسشى تۇلعالاردىڭ عيبراتتى ىستەرىنە كۋا بولامىز. بۇل ءاربىر ەلدىڭ باسەكەگە قابىلەتتى، قۋاتتى مەملەكەت بولىپ قالىپتاسۋىن قامتاماسىز ەتەتىن نەگiزگi فاكتورلاردىڭ بiرi جانە ونىڭ دامۋىنىڭ وزەگi – ادام رەسۋرستارى ەكەندىگىنىڭ ايعاق دالەلى. سول سەبەپتى بۇگىنگى تاڭدا مەملەكەتتىك باسقارۋ ىسىنە جوعارى مورالدىق جاۋاپكەرشىلىككە يە، تالانتتى، كاسىبي ءبىلىمى مەن بەلسەندى ومىرلىك ۇستانىمى بار ازاماتتاردى جۇمىلدىرۋ – قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الدىندا تۇرعان باستى ستراتەگيالىق مىندەتتەردىڭ ءبىرى.

وسى باعىتتا اتقارىلىپ جاتقان قارقىندى جۇمىستار ناتيجەسىندە جىل سايىن وڭىرىمىزدە مەملەكەتتىك قىزمەتشىلەردىڭ ساپالىق قۇرامى جەتىلىپ كەلەدى. اتاپ ايتقاندا، وبلىسىمىزدا 4 مىڭنان استام مەملەكەتتىك قىزمەتشى جۇمىس ىستەيدى، ولاردىڭ 29,8% - 35 جاسقا دەيىنگى جاستار. قىزمەتشىلەردىڭ 89,2% جوعارى بىلىمگە يە. ولاردىڭ قاتارىندا عىلىم كانديداتتارى، «بولاشاق» باعدارلاماسىنىڭ، قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەكتەرى، جوعارى وقۋ ورنىنان كەيىنگى جانە شەتەلدىك بىلىمگە يە تۇلعالار بار.

مەملەكەتتىك قىزمەتشىلەر قاتارىن وسىنداي باسەكەگە قابىلەتتى تۇلعالارمەن تولىقتىرۋ جانە مەملەكەتتىك قىزمەتكە ءتۇسۋ پروتسەسىن جەڭىلدەتۋ ماقساتىندا قولدانىستاعى زاڭنامادا «ب» كورپۋسىنىڭ كەيبىر مەملەكەتتىك اكىمشىلىك لاۋازىمدارىنا كونكۋرستان تىس تاعايىنداۋ جاعدايلارى قاراستىرىلعان. وسىعان وراي قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتىمەن بىرقاتار كونكۋرستان تىس تاعايىنداۋلارعا كەلىسىم بەرىلدى.

بۇگىنگى تاڭدا جوعارى نەمەسە جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا مەملەكەتتىك تاپسىرىس شەڭبەرىندە وقۋدى جاقسى ناتيجەمەن (GPA 3,33) بىتىرگەن ماماندار ديپلوم العاننان كەيىن ءبىر جىل ىشىندە كونكۋرستان تىس تارتىپتە وبلىس ورتالىعىنداعى مەملەكەتتىك ورگانداردان باسقا مەملەكەتتىك ورگاندارداعى «ب» كورپۋسىنىڭ كەيبىر مەملەكەتتىك اكىمشىلىك لاۋازىمدارىنا ورنالاسا الادى. بۇل نورما بىلىكتى جاستاردى مەملەكەتتىك قىزمەتكە ىنتالاندىرۋعا، اۋداندىق جانە اۋىلدىق دەڭگەيدەگى كادرلار تاپشىلىعى ماسەلەسىن شەشۋگە باعىتتالعان. وسى نورما ءوز كۇشىنە ەنگەن ۋاقىتتان بەرى  دەپارتامەنتپەن قوسشى قالاسىنىڭ، شورتاندى، بۇلاندى، اتباسار، جاقسى، جارقايىڭ، قورعالجىن، ەگىندىكول، ەسىل، تسەلينوگراد، زەرەندى، ەرەيمەنتاۋ اۋداندارىنىڭ مەملەكەتتىك ورگاندارىندا تومەن تۇرعان لاۋازىمدارعا جوعارىدا اتالعان تالاپتارعا سايكەس كەلەتىن 21 جاس ماماندى كونكۋرستان تىس تاعايىنداۋعا كەلىسىم بەرىلدى. ولاردىڭ قاتارىندا س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ، سەمەي قالاسى ش.قۇدايبەرديەۆ اتىنداعى ۋنيۆەرسيتەتتىڭ، ا.مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ جانە ش.ءۋاليحانوۆ اتىنداعى كوكشەتاۋ ۋنيۆەرسيتەتىنىڭ، ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ تۇلەكتەرى بار. وسى باعىتتاعى جۇمىستى جانداندىرۋ ماقساتىندا دەپارتامەنتپەن ەلىمىزدىڭ جوعارى وقۋ ورىندارىنان وسى تالاپتارعا سايكەس كەلەتىن تۇلەكتەر ءتىزىمى سۇراتىلىپ، 4 مىڭنان استام تۇلەكتىڭ كانديداتۋراسى مەملەكەتتىك ورگاندارعا ۇسىنىلدى.

سونىمەن قاتار «ب» كورپۋسىنىڭ مەملەكەتتىك اكىمشىلىك لاۋازىمدارىنا ۋاكىلەتتى ورگانمەن نەمەسە ونىڭ اۋماقتىق بولىمشەسىمەن كەلىسۋ بويىنشا كونكۋرس وتكىزىلمەستەن ورنالاسۋ مۇمكىندىگى جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا مەملەكەتتىك تاپسىرىس شەڭبەرىندە قازاقستان رەسپۋبليكاسىنىڭ پرەزيدەنتى جانىنداعى ءبىلىم بەرۋ ۇيىمدارىندا جاقسى ناتيجەمەن (GPA 3,33) وقۋىن بىتىرگەن تۇلعالارعا بەرىلدى. اتالعان تۇلەكتەر وقۋدى بىتىرگەننەن كەيىن ءبىر جىل ىشىندە جەرگىلىكتى اتقارۋشى ورگانداردا، ءماسليحاتتار اپپاراتتارىندا، تەكسەرۋ كوميسسيالارىندا، ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ اۋماقتىق بولىمشەلەرىندە (استانا مەن ونىڭ اۋداندارىنداعى جەرگىلىكتى اتقارۋشى ورگانداردان، ءماسليحات اپپاراتىنان، رەۆيزيالىق كوميسسيالاردان، ورتالىق مەملەكەتتىك ورگاندار مەن ولاردىڭ ۆەدومستۆولارىنىڭ اۋماقتىق بولىمشەلەرىنەن باسقا) كونكۋرستان تىس ورنالاسا الادى. وسى مۇمكىندىكتى قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىنىڭ 4 تۇلەگى پايدالانىپ، دەپارتامەنتپەن كەلىسۋ ارقىلى ەسىل، جارقايىڭ اۋداندارى مەن كوكشەتاۋ قالاسىنداعى جوعارى لاۋازىمدارعا كونكۋرستان تىس تاعايىندالدى.

قولدانىستاعى زاڭناماعا سايكەس اۋىلدىق وكرۋگتەردىڭ اكىمدەرى وكىلەتتىك مەرزىمى اياقتالعاننان كەيىن ءبىر جىل ىشىندە ۋاكىلەتتى ورگانمەن كەلىسىم بويىنشا كونكۋرس وتكىزبەي «ب» كورپۋسىنىڭ مەملەكەتتىك اكىمشىلىك لاۋازىمدارىنا ورنالاسا الادى. وسىلايشا دەپارتامەنتپەن ءۇش اكىمدى اتباسار جانە ءبىرجان سال اۋداندارىنىڭ ءارتۇرلى لاۋازىمدارىنا تاعايىنداۋعا كەلىسىم بەرىلدى.

سونداي-اق، قولدانىستاعى زاڭناماعا سايكەس كانديداتتاردى ۋاكىلەتتى ورگاننىڭ كەلىسىمى بويىنشا كونكۋرستىق ىرىكتەۋسىز «ب» كورپۋسىنىڭ جوعارى لاۋازىمدارىنا تىكەلەي تاعايىنداۋ مۇمكىندىگى كوزدەلگەن. بۇل ءوز كەزەگىندە ءبىرىنشى باسشىلاردىڭ ءوز قىزمەتكەرلەرى ءۇشىن جاۋاپكەرشىلىگىن كۇشەيتەدى. وسى ورايدا اقمولا وبلىسىنىڭ تسيفرلاندىرۋ جانە ارحيۆتەر، تابيعي رەسۋرستار جانە تابيعات پايدالانۋدى رەتتەۋ، سونىمەن قاتار دەنە شىنىقتىرۋ جانە سپورت باسقارمالارىنىڭ باسشىلارى اگەنتتىكپەن كەلىسۋ ارقىلى كونكۋرستان تىس تاعايىندالدى.

كونكۋرستان تىس تاعايىندالۋ مۇمكىندىگىنە يە تۇلعالار قاتارىندا پرەزيدەنتتىك جاستار كادر رەزەرۆى مەن وڭىرلىك كادر رەزەرۆىنىڭ مۇشەلەرى بار. ولاردى لاۋازىمدارعا تاعايىنداۋ بويىنشا جۇمىستار تۇراقتى نەگىزدە جۇرگىزىلۋدە. مىسالعا، دەپارتامەنت وكىلدەرى وبلىس اكىمى اپپاراتىنىڭ پەرسونالدى باسقارۋ قىزمەتىمەن بىرلەسىپ، پرەزيدەنتتىك جاستار كادر رەزەرۆىنە الىنعان تۇلعالارمەن كەزدەسۋلەر وتكىزىپ، بوس لاۋازىمدار تۋرالى وزەكتى اقپاراتپەن ءبولىسىپ وتىرادى. اتالعان جۇمىستىڭ ناتيجەسىندە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى نەگىزىندە بۋراباي اۋدانى اكىمىنىڭ 2024 جىلعى 22 مامىرداعى وكىمىمەن 2023 جىلعى پرەزيدەنتتىك جاستار كادر رەزەرۆىنىڭ وكىلى مەرەي رامازان بۋراباي اۋدانى اكىمىنىڭ ورىنباسارى لاۋازىمىنا تاعايىندالدى. سونداي-اق وڭىرلىك كادر رەزەرۆىنىڭ مۇشەسى جاقسىگەلدينوۆا ايگەرىم تەمىربولاتقىزى اقمولا وبلىسى اكىمى اپپاراتىنىڭ اۋىل شارۋاشىلىعى ماسەلەلەرى جونىندەگى باس مامانى لاۋازىمىنا تاعايىندالدى.

جوعارىدا ايتىلعان زاڭنامالىق نورمالارعا سايكەس كونكۋرستان تىس قابىلداناتىن كانديداتتاردىڭ «ب» كورپۋسىنىڭ مەملەكەتتىك اكىمشىلىك لاۋازىمدارىنا قويىلاتىن ۇلگىلىك بىلىكتىلىك تالاپتارىنا سايكەس كەلۋى باستى شارت بولىپ تابىلادى.

جاس مامانداردى مەملەكەتتىك قىزمەتكە تارتۋ باعىتىندا ىسكە اسىرىلىپ جاتقان جوبالاردىڭ ءبىرى - جاس مەملەكەتتىك قىزمەتشىلەر مەكتەبى. بۇل جوبا وبلىسىمىزدا 2018 جىلدان بەرى ىسكە اسىرىلىپ كەلەدى. وسى ۋاقىت ىشىندە مەكتەپتىڭ كوپتەگەن تۇلەكتەرى مەملەكەتتىك قىزمەتكە ءتۇسىپ، وزدەرىنىڭ ءبىلىمى مەن داعدىلارىن سۇيىكتى ىسىندە قولدانۋدا. بيىلعى جىلى وسى مەكتەپتىڭ تۇلەگى جانداربەكوۆ ءالىمجان ەلۋبايۇلى جالپى كونكۋرس ارقىلى اقمولا وبلىسى ءبىلىم باسقارماسىنىڭ وقۋ-ماتەريالدىق بازاسىن نىعايتۋ جانە دامىتۋ ءبولىمىنىڭ باس مامانى لاۋازىمىنا تاعايىندالدى. وسىعان دەيىن ءالىمجان جانداربەكوۆ قولدانىستاعى زاڭنامانى بىلۋىنە ارنالعان تەستىلەۋدى ءساتتى تاپسىرىپ، مەكتەپتىڭ تالانتتار پۋلىنا قابىلدانعان بولاتىن. ءارى قاراي دەپارتامەنت وكىلىنىڭ كونسۋلتاتيۆتىك سۇيەمەلدەۋى ارقىلى پيلوتتىق رەجيمدە eqyzmet.gov.kz پورتالى ارقىلى جالپى كونكۋرسقا قاتىسىپ، 6 ۇمىتكەردىڭ ىشىنەن جەڭىمپاز اتاندى. بۇگىنگى تاڭدا مەكتەپ تۇلەگىنە بىلىكتى مەملەكەتتىك قىزمەتشىلەر قاتارىنان تالىمگەر بەكىتىلىپ، جاس مامان ءوز قىزمەتىنە كىرىستى.

وسى وزگەرىستەر مەملەكەتتىك قىزمەتتەگى جاستار ۇلەسىنىڭ ودان ءارى ارتۋىنا، مەملەكەتتىك اپپاراتتى وبلىستىق، اۋداندىق، اۋىلدىق دەڭگەيلەردە كاسىبي، بىلىكتىلىگى مول، بىلىمدەرىن ءىس جۇزىندە دۇرىس قولدانا الاتىن جاڭا فارماتسياداعى كادرلارمەن ۋاقتىلى تولىقتىرۋعا وڭ اسەر ەتىپ جاتقانىن اتاپ وتكەن ءجون.

دۋمان ابىلەۆ،

قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى

Abai.kz