العاش رەت دەپۋتاتتار، جاۋاپتى مەملەكەتتىك ورگاندار جانە ساراپشىلاردىڭ بىرلەسكەن جۇمىسىنا ارنالعان «اشىق كود» الاڭى ىسكە قوسىلۋدا.

«اشىق كود» فورماتى باعدارلاماشىلارعا جاقسى تانىس جانە ول اشىق تالقىلاۋلار مەن كاسىبي مامانداردىڭ ءوز ۇسىنىستارىن ەنگىزۋدى كوزدەيدى.

تسيفرلىق دامۋ ءمينيسترى جاسۇلان ماديەۆتىڭ ايتۋىنشا، تسيفرلىق كودەكس مەملەكەت باسشىسىنىڭ تاپسىرمالارىن ىسكە اسىرۋ ءۇشىن ازىرلەنىپ، قازاقستاندى تسيفرلاندىرۋدى رەتتەۋدىڭ جاڭا فورماتىن كورسەتتى.

ءماجىلىس دەپۋتاتى ەكاتەرينا سمىشلياەۆانىڭ ايتۋىنشا، جوبا اياسىندا سىرتقى پىكىرتالاستار دا جوسپارلانۋدا. بۇگىننىڭ وزىندە كاسىبي قاۋىمداستىقتار دەرەكتەردى باسقارۋ، تسيفرلىق پلاتفورمالار قۇقىعى، كيبەرقاۋىپسىزدىك، «تسيفرلىق قۇقىق» سياقتى باعىتتار بويىنشا ارنايى الاڭداردى جوسپارلاپ وتىر. تسيفرلىق كودەكس بويىنشا جۇمىس ساياساتتى، پراكتيكانى جانە عىلىمدى بىرىكتىرۋى ءتيىس.

بۇگىنگى تاڭدا كودەكس جوباسىندا اۆتوماتتاندىرىلعان شەشىمدەرگە جانە ولاردى ادامنىڭ قاتىسۋىمەن قايتا قاراۋ مۇمكىندىگىنە قاتىستى نەگىزگى ساتتەر، تسيفرلىق ينكليۋزيا، تسيفرلىق تەڭسىزدىكتى بولدىرماۋ، تسيفرلىق نيگيليزمگە قاتىستى نەگىزگى تاسىلدەر كورسەتىلگەن. تاعى ءبىر ماڭىزدى ماسەلە – قاۋىپسىزدىك. كودەكس دەڭگەيىندە تسيفرلىق ورتادا قاۋىپسىزدىكتى قامتاماسىز ەتۋدىڭ نەگىزگى تاسىلدەرى ۇسىنىلادى.

Abai.kz