شانحاي قالاسىندا قحر مەملەكەتتىك كەڭەسىنىڭ پرەمەرى لي تسيانمەن كەلىسسوزدەر وتەدى، VII قىتاي حالىقارالىق يمپورت كورمەسىنە قاتىسۋ جوسپارلانعان.

جۇمىس ساپاردىڭ باستى ماقساتى - قازاقستان پرەزيدەنتى قاسىم-جومارت توقاەۆ پەن قحر توراعاسى سي تسزينپين اراسىنداعى ەكىجاقتى تاۋار اينالىمى كولەمىن وتكەن جىلعى $41 ملرد دەڭگەيىندەگى تاريحي رەكوردتان ەكى ەسەگە ارتتىرۋ جونىندەگى ۋاعدالاستىقتاردى جۇزەگە اسىرۋ.

«بۇگىندە ەكى ەل اراسىنداعى ىنتىماقتاستىق جوعارى قارقىنمەن دامىپ كەلەدى. جوعارى دەڭگەيدە قويىلعان مىندەتكە سايكەس، ءبىز جاقىن ارادا ءوزارا ساۋدا كورسەتكىشتەرىمىزدى ەكى ەسەگە ارتتىرۋعا نيەتتىمىز. قازاقستان مەن قىتايدىڭ بىرلەسكەن ينۆەستيتسيالىق جوبالاردى جۇزەگە اسىرۋدا زور الەۋەتى بار. ءبىز ءوزارا ءىس-قيمىلدىڭ جاڭا كوكجيەكتەرىن اشىپ، ىنتىماقتاستىقتىڭ تيىمدىلىگىن بىرگە ارتتىرا الامىز.

بۇعان قول جەتكىزۋ ءۇشىن ترانزيتتىك مۇمكىندىكتەردى كەڭەيتۋ، ونەركاسىپتىك كووپەراتسيانى نىعايتۋ جانە ءبىزدىڭ ىسكەر توپتار اراسىندا بايلانىس ورناتۋ بويىنشا بەلسەندى جۇمىس جۇرگىزىلۋى قاجەت.

قازاقستان ۇكىمەتى ارىپتەستىكتى كەڭەيتۋگە جانە مەملەكەتتەرىمىز اراسىندا بەرىك كوپىر قۇرۋعا دايىن. ءبىز ينۆەستورلارعا قولداۋ كورسەتىپ، بيزنەسكە قولايلى جاعداي جاسايمىز جانە ءار جوبانىڭ تابىستى بولۋىنا ىقپال ەتەمىز.

ءبىزدىڭ بىرلەسكەن كۇش-جىگەرىمىزدىڭ ارقاسىندا جاڭا ينۆەستيتسيالىق باستامالار ەكونوميكانىڭ ناقتى سەكتورىن دامىتۋعا، ونى ارتاراپتاندىرۋعا جانە ازاماتتارىمىزدىڭ ءومىر ءسۇرۋ ساپاسىن جاقسارتۋعا قۋاتتى سەرپىن بەرەتىنىنە سەنىمدىمىن»، - دەپ اتاپ ءوتتى ولجاس بەكتەنوۆ.

Abai.kz