22 قاراشادا ءۇرجار اۋىلىنداعى باۋىرجان مومىشۇلى اتىنداعى ورتا مەكتەپتىڭ بولەك ورنالاسقان قازاندىعىندا جارىلىس بولدى. الدىن الا دەرەك بويىنشا بۇعان جىلۋ جۇيەسىندەگى اينالىمنىڭ بۇزىلىپ، قازاندىقتاعى قىسىمنىڭ كوتەرىلۋى سەبەپ بولعان.

«جارىلىس سالدارىنان 18 شارشى مەتر الاڭداعى قازاندىقتىڭ شاتىرى جارتىلاي وپىرىلدى. وقيعا ورنىندا تجد جانە جەرگىلىكتى اتقارۋشى ورگاندار جۇمىس ىستەپ جاتىر. 54 جاستاعى وت جاعۋشى 2-3-دارەجەلى كۇيىك الدى. قازىرگى ۋاقىتتا ول اۋداندىق اۋرۋحانانىڭ حيرۋرگيا بولىمىنە جاتقىزىلدى. جاعدايى تۇراقتى»، - دەپ حابارلادى وبلىس اكىمدىگىنەن.

مەكتەپتە ساباق توقتاتىلعان جوق. رەزەرۆتىك قازاندىقتىڭ ارقاسىندا مەكتەپكە جىلۋ بەرىلىپ جاتىر. دەمالىس كۇندەرى جاڭا قازاندىق ورناتۋ جوسپارلانعان.

ايتا كەتەيىك، باۋىرجان مومىشۇلى اتىنداعى ورتا مەكتەپتە 943 وقۋشى ءبىلىم الىپ، 117 مۇعالىم جۇمىس ىستەيدى.

Abai.kz