ءماجىلىس اكىمشىلىك قۇقىق بۇزۋشىلىق تۋرالى كودەكسكە ەنگىزىلەتىن تۇزەتۋلەردى ەكىنشى وقىلىمدا قابىلدادى. زاڭ اكىمشىلىك-دەليكتىك زاڭنامانى ودان ءارى جەتىلدىرۋگە باعىتتالعان. 2024 جىلدىڭ 17 ساۋىرىندە زاڭ ءبىرىنشى وقىلىمنان وتكەن ەدى.

اكىمشىلىك قۇقىق بۇزۋشىلىق تۋرالى كودەكسكە قوعامدىق جۇمىستارعا تارتۋ تۇرىندەگى اكىمشىلىك جازا ەنگىزىلەدى. ەكىنشى وقىلىمعا دايىندىق بارىسىندا دەپۋتاتتاردىڭ باستاماسىمەن ونى ىسكە اسىرۋ تەتىگى ايتارلىقتاي جەتىلدىرىلىپ، قوعامدىق جۇمىستاردان جالتارۋ جاعدايلارىنداعى ىشكى ىستەر ورگاندارىنىڭ ءرولى كۇشەيتىلدى.

زاڭ اكىمشىلىك قۇقىق بۇزۋشىلىق تۋرالى ىستەردى قاراۋ كەزىندە كولىك قۇرالىن پايدالانۋدى رەتتەيدى. ءىس قىسقارتىلعان تارتىپتە جۇرگىزىلسە، قايتا اشىلعان ءمان-جايلار بويىنشا ىستەردى قايتا قاراۋ ءتارتىبىن قۇقىقتىق رەتتەۋدەگى ولقىلىقتار جويىلادى. پرەزيدەنت جانىنداعى قۇقىق قورعاۋ جانە سوت جۇيەلەرىن رەفورمالاۋ جونىندەگى كوميسسيا ازىرلەگەن جانە مەملەكەت باسشىسى بەكىتكەن تۇزەتۋلەر جۇزەگە اسىرىلادى.

توتەنشە جاعداي رەجيمىندە اقبتك-تە اكىمشىلىك قۇقىق بۇزۋشىلىق ىستەر بويىنشا ەرەكشە ءىس جۇرگىزۋ ءتارتىبىنىڭ بولماۋىنا جانە سوتتىڭ (لاۋازىمدى تۇلعالاردىڭ) ىستەردى قاراۋ مەرزىمدەرىن توقتاتا تۇرۋ قۇقىعىنا قاتىستى ولقىلىقتاردى جويۋعا باعىتتالعان زاڭنامالىق شارالار قابىلدانادى.

سونىمەن قاتار دەپۋتاتتار اقبتك-ءنىڭ 79-بابىندا وپەراتورلار مەن ەلەكتروندى اقپاراتتىق رەسۋرستاردىڭ يەلەرىنە جەكە دەرەكتەردى قورعاۋ جانە ولاردى پايدالانۋعا قاتىستى زاڭنامانى بۇزعانى ءۇشىن ايىپپۇل سانكتسيالارىن قاتاڭداتۋعا باعىتتالعان تۇزەتۋلەر ەنگىزدى. باسقا زاڭدار مەن كودەكستەردىڭ نورمالارىندا بولۋىنا جانە ولاردى قولدانۋ ورىنسىز دەپ تانىلۋىنا بايلانىستى اقبتك-ءنىڭ 85 جانە 100-باپتارى الىنىپ تاستالدى. بۇدان بولەك باسقا دا بىرقاتار نورما ەنگىزىلدى.

Abai.kz