الماتى قالاسىنداعى ەڭ ماڭىزدى جاستار جوبالارىنىڭ ءبىرى – 100 دەمالىس ورتالىقتارىنىڭ قىزمەتىن ۇيىمداستىرۋ. ولاردىڭ جۇمىسى جاسوسپىرىمدەر مەن جاستاردىڭ بوس ۋاقىتىن ءتيىمدى وتكىزۋگە جانە ولاردى ءارتۇرلى ۇيىرمەلەر مەن سەكتسيالار ارقىلى ميكرواۋماقتاردا، تۇرعىلىقتى مەكەنجايى بويىنشا جۇمىسپەن قامتۋ ماسەلەلەرىن شەشۋگە باعىتتالعان.

بۇگىنگى تاڭدا 100 دەمالىس ورتالىعىنىڭ  بازاسىندا تۇراقتى جانە تەگىن نەگىزدە 300-دەن استام ۇيىرمە مەن سەكتسيا جۇمىس ىستەيدى.اتالمىش ورتالىققا باراتىن  14 پەن 18 جاس ارالىعىنداعى جاستار قۇرايدى. بۇل ۇيىرمەلەر مەن سەكتسيالاردىڭ جۇمىسى ارقىلى 12 000-نان استام جاس، سونىڭ ىشىندە الەۋمەتتىك وسال توپتاردان شىققان جاسوسپىرىمدەر مەن جاستار قامتىلعان.

قازىرگى ۋاقىتتا دەمالىس ورتالىقتار الەۋمەتتىك وسال توپتاردان شىققان جاسوسپىرىمدەر مەن جاستار ءۇشىن ءتيىمدى الەۋمەتتىك ليفت بولىپ وتىر.  ورتالىقتاردىڭ تاربيەلەنۋشىلەرى قالالىق، رەسپۋبليكالىق جانە حالىقارالىق كونكۋرستار مەن جارىستارعا بەلسەندى قاتىسىپ، جاقسى ناتيجەلەر كورسەتۋدە. جىل سايىن دو بازاسىندا 1000-نان استام ءارتۇرلى فورماتتاعى ءىس-شارالار وتكىزىلىپ، 500-دەن استام بالا ءتۇرلى جارىستارعا قاتىسادى.

2023 جىلى ورتالىقتاردىڭ قىزمەتىن جاڭعىرتۋ جۇمىستارى باستالدى. جاڭعىرتۋدىڭ العاشقى قادامدارىنىڭ ءبىرى ينفراقۇرىلىمدى جاقسارتۋ بولدى. بيىل 34 دەمالىس ورتالىعىنا جوندەۋ جۇمىستارى جۇرگىزىلىپ، كەرەك جاراقتارى جاڭارتىلىپ، 20-دان استام ورتالىق جەرتولەدەن كوشىرىلدى. كەيبىر نىسانداردا اكۋستيكانى جاقسارتۋ ءۇشىن دىبىس وقشاۋلاۋ جۇيەلەرى ورناتىلدى. سونىمەن قاتار، 2024 جىلى اۋدان ورتالىقتارىندا روبوتوتەحنيكا بويىنشا جاڭا كۋرستار ىسكە قوسىلىپ، بالالار مەن جاسوسپىرىمدەر اراسىندا ۇلكەن سۇرانىسقا يە بولدى.

بيىلعى جىلى دەمالىس ورتالىقتارىن جاڭعىرتۋ ەلەۋلى ناتيجەلەر بەردى. جايلى، زاماناۋي جابدىقتار جاسوسپىرىمدەر مەن جاستاردى ۇيىرمەلەرگە قاتىسۋعا قىزىعۋشىلىقتارىنارتتىردى. ناتيجەسىندە، دو-عا كەلۋشىلەر سانى ايتارلىقتاي ارتتى. ەگەر 2023 جىلى الماتى قالاسىنداعى 100 دو بازاسىندا 260 ۇيىرمە مەن سەكتسيا جۇمىس ىستەپ، شامامەن 10 000 جاس قامتىلسا، 2024 جىلى ولاردىڭ سانى 300 ۇيىرمەگە دەيىن ءوستى. بۇل ۇسىنىلاتىن ءىس-شارالار اياسىن كەڭەيتۋگە جانە جاستاردىڭ قىزىعۋشىلىقتارىن بارىنشا قامتۋعا مۇمكىندىك بەردى. سايكەسىنشە، قاتىسۋشىلار سانى دا 12 000 ادامعا دەيىن ارتتى. بۇل وزگەرىستەر جاستاردىڭ جان-جاقتى دامۋىنا ىقپال ەتىپ، ولاردىڭ تالانتتارى مەن داعدىلارىن دامىتۋ ءۇشىن كوپ مۇمكىندىك بەردى.

«ءبىزدىڭ ماقساتىمىز – ءار ءجاسوسپىرىمنىڭ ءوز الەۋەتىن اشا الاتىن جاعداي جاساۋ. ءبىز دەمالىس ورتالىقتارىن جاي عانا ساباق وتەتىن ورىن ەمەس، الەۋمەتتىك باستامالار مەن تۇلعالىق دامۋ الاڭىنا اينالدىرۋعا تىرىسامىز. جاڭعىرتۋدىڭ ارقاسىندا تەك عيماراتتارىمىز عانا ەمەس، جاستاردىڭ ءومىرى دە وزگەرە باستادى. روبوتوتەحنيكا مەن قازاق ءتىلى كۋرستارى سياقتى جاڭا سەكتسيالار جاسوسپىرىمدەرگە وزەكتى باعىتتاردا دامۋعا مۇمكىندىك بەرەدى. ءبىز تاربيەلەنۋشىلەرىمىزدىڭ جەتىستىكتەرىن ماقتان تۇتامىز، ولار تەك حالىقارالىق جارىستاردا جەڭىسكە جەتىپ قانا قويماي، قۇرداستارى ءۇشىن ۇلگى بولا الدى»، – دەپ اتاپ ءوتتى «RAI» بو جەتەكشىسى بەكزات امانوۆ.

ايتا كەتۋ كەرەك، بيىلعى جىلى دو بازاسىندا 2000-نان استام ءتۇرلى فورماتتاعى ءىس-شارالار ءوتتى. ول بىلتىرعى جىلمەن سالىستىرعاندا 2 ەسە كوپ. ءوز كەزەگىندە، دەمالىس ورتالىقتارىنىڭ تاربيەلەنۋشىلەرى قالالىق، رەسپۋبليكالىق جانە حالىقارالىق جارىستارعا قاتىسىپ، جۇلدەلى ورىندارعا يە بولۋدا. بيىلعى جىلى 700-دەن استام تاربيەلەنۋشى ءتۇرلى جارىستارعا قاتىسىپ، ولاردىڭ 24-ءى اقش-تا وتكەن روبوتوتەحنيكا بويىنشا حالىقارالىق چەمپيوناتتا جۇلدەلى ءۇشىنشى ورىندى يەلەندى.

«مەن ءبىر جىلعا جۋىق ۋاقىت بويى "RAI" دەمالىس ورتالىعىنداعى روبوتوتەحنيكا ۇيىرمەسىنە قاتىسىپ كەلەمىن. وسى ۋاقىت ىشىندە مەن قاراپايىم قۇرىلىمداردان باستاپ كۇردەلى مودەلدەر جاساۋعا دەيىن كوپ نارسەنى ۇيرەندىم. ءبىزدىڭ كوماندامىز اقش-تا وتكەن حالىقارالىق جارىسقا قاتىسىپ، ءۇشىنشى ورىن الدى. مەن وسى ورتالىق ارقىلى سۇيىكتى ىسىمنەن بولەك، كوپتەگەن دوستار تاپتىم. ۇستازدارىمىزعا شىدامدىلىقتارى مەن كومەكتەرى ءۇشىن العىس ايتامىن»، – دەپ ءبولىستى «RAI» دو تاربيەلەنۋشىسى.

دەمالىس ورتالىقتارىن جاڭعىرتۋ – جاستاردىڭ دامۋى مەن جۇمىسپەن قامتىلۋى ءۇشىن قولايلى جاعداي جاساۋعا باعىتتالعان ماڭىزدى قادام. 2025 جىلعا قاراي دو جابدىقتارى مەن ينفراقۇرىلىمىن جاڭارتۋدى جالعاستىرۋ جوسپارلانىپ وتىر، بۇل قىزمەت كورسەتۋ ساپاسىن ارتتىرۋعا جانە ورتالىقتاردىڭ ءتيىمدى جۇمىس ىستەۋى ءۇشىن جايلى جاعداي جاساۋعا ىقپال ەتەدى. ناتيجەسىندە،  ورتالىقتار ءار ءجاسوسپىرىم مەن جاستار ءۇشىن وزىنە ۇنايتىن ىسپەن اينالىسۋىنا، تالانتتارىن دامىتۋىنا جانە قوعام دامۋىنا ۇلەس قوسۋىنا مۇمكىندىك بەرەتىن ورىنعا اينالىپ وتىر.

ەستەرىڭىزگە سالا كەتەيىك، الماتى قالاسىنداعى 100 دەمالىس ورتالىعىنىڭ قىزمەتى جاستار ساياساتى باسقارماسىنىڭ قولداۋىمەن جۇزەگە اسىرىلادى.

Abai.kz