وتكەن قۇرىلتايدا دىنگە «كارت بلانش» بەرىلگەن بولاتىن. بىراق ءدىن ونى اقتامادى:

ۇلتتىق قۇندىلىققا بەيىمدەلۋ ارقىلى، ءدىني ەرەجەلەر مەن شاريعي جولدارىن قازاق دىلىنە جاقىنداتۋدىڭ ورنىنا، ءدىن «ءوز اتىن شاقىرعان كوكەك» سياقتى «ۇستازدارىن» جامىراتىپ، ۇلتتىق قۇندىلىقتاردىڭ ەڭ كيەلى، ەڭ جاندى جەرىنە باقىنشىلىق شابۋىلىن ۇدەتتى.

سول ارقىلى وزدەرىنىڭ شىنايى بەت پەردەسىن اشتى. بەت سيپاپ جۇرگەن الاڭسىز قازاق بالاسىن وزىنەن كەرى يتەردى...

كەۋدەدەن تەپتى...

ەندى، مۇنداي دىنگە بىزدە جول جوق ەكەنى انىقتالدى. قوعام ويانىپ، بەرەكە بىرلىك باسىندا ۇلتتىق تاربيە تۇراتىنىن انىق ۇقتى.

مەملەكەتتىڭ بولاشاعى تەك قانا عىلىم مەن بىلىمگە، ۇلتتىق ادامگەرشىلىك بولمىسقا، ۇلتتىق مادەنيەتكە، ونەرگە قاتىستى سەرپىندى بولارىن حالىق تا، بيلىك تە مويىندادى...

ەندى، حالىقتىڭ دا، مەملەكتتىڭ دە بارلىق كۇش جىگەرى مەن ىنتاسى وسى باعىتقا بۇرىلاتىنى ايقىندالدى.

قازاقستان مەملەكەتى ەشقاشان وزگە مادەنيەت اياسىندا كوركەيمەيدى. ول مەملەكەتتى قۇراپ وتىرعان قازاق ۇلتى مادەنيەتى، ءتىلى، ءداستۇرى توڭىرەگىندە توپتاسا العا جىلجيدى.

ازىرگە، ونىڭ قارقىنى تومەن بولسا دا، ول جىل سايىن اعىن سۋ سياقتى ەسەلەنە اعادى، توقتامايدى، بۋىرقانا تۇسەدى...

قازىنا بايلىق تا ءوزىنىڭ زاڭدى ەگەسى قازاق ۇلىنا قىزمەت ەتۋىن ارتتىرادى.

كەلەر جىل وسىنى ناقتىلايدى.

ءابدىراشيت باكىرۇلى

Abai.kz