قر كاسىپوداقتار فەدەراتسياسى توراعاسى «جۇمىسشى ماماندىقتار جىلىن جاريالاۋ تۋرالى» قر پرەزيدەنتىنىڭ جارلىعىنا قاتىستى پىكىر ءبىلدىردى.

بۇگىن مەملەكەت باسشىسى قاسىم-جومارت كەمەلۇلى توقاەۆتىڭ جارلىعىمەن 2025 جىل «جۇمىسشى ماماندىقتارىنىڭ جىلى» بولىپ جاريالاندى. بۇل-كاسىپوداقتار مەن ءبىزدىڭ الەۋمەتتىك ارىپتەستەرىمىزگە - ۇكىمەت پەن جۇمىس بەرۋشىلەر قازاقستانداعى ميلليونداعان ەڭبەككەرلەردىڭ لايىقتى ەڭبەگى ءۇشىن  قولايلى جاعدايلار جاساۋدى نىعايتۋعا مۇمكىندىك بەرەتىن ءادىل جانە وتە ماڭىزدى شەشىم.

ەل ەكونوميكاسىنىڭ ناقتى سەكتورىن مودەرنيزاتسيالاۋ جوعارى بىلىكتى جۇمىس كۇشىنسىز، اتاپ ايتقاندا، جوعارى بىلىكتى جۇمىسشىلاردىڭ ەڭبەگىنسىز مۇمكىن ەمەس ەكەنى انىق. سوندىقتان ەكونوميكانىڭ وسى كاسىپتىك توپ وكىلدەرىنە دەگەن سۇرانىستى ارتتىرۋ وتە ماڭىزدى، ول نەگىزىنەن جاستار ەسەبىنەن تولىقتىرىلۋى ءتيىس.

وسى باعىتتا كاسىپوداقتار فەدەراتسياسى جاستار اراسىندا جۇيەلى جۇمىستار جۇرگىزۋدە. 2024 جىلدىڭ 8-9 قازان ارالىعىندا استانادا وتكەن جۇمىسشى ماماندىقتارىنىڭ حالىقارالىق جاستار فورۋمىندا ءبىز جاس جۇمىسشىلار مەن مامانداردى – ەكونوميكانىڭ 28 سالا وكىلدەرىنىڭ باسىن قوستىق.

فورۋمدا، ارينە، قازاقستاندىق جاستار اراسىندا جۇمىسشى ماماندىقتارىنىڭ بەدەلىن ارتتىرۋ ماسەلەسى تالقىلاندى.

بۇل رەتتە جالپى جۇمىسشى ماماندىقتارىنىڭ بەدەلىنىڭ تومەندىگى، جاستار اراسىندا سۇرانىسقا يە بولماۋى سىندى ماسەلەلەردى قانداي دا ءبىر جەكەلەگەن شارالار قابىلداۋ، بەلگىلى ءبىر جەكەلەگەن ينستيتۋتتاردىڭ ىقپالى ارقىلى شەشۋ مۇمكىن ەمەس.

بەلگىلى تەرمينولوگيانى پايدالانا وتىرىپ، ادام تەك ەكونوميكالىق تۇلعا عانا ەمەس، سونىمەن بىرگە الەۋمەتتىك تۇلعا ەكەنىن ەسكە سالايىن. مۇندا جالاقىنى كوتەرۋمەن قاتار، ءارتۇرلى كاسىپتەردىڭ بەدەلىن تەڭەستىرۋ، قوعامدىق باعالاۋداعى ءتۇرلى ءبىلىم دەڭگەيىن تالاپ ەتەتىن ساباقتاردىڭ ديسپروپورتسياسىن جويۋ ءۇشىن ءبىراز ۋاقىتتى قامتيتىن ۇلكەن جۇمىس قاجەت.

سونداي-اق كاسىپتىك باعدار بەرۋ سيپاتىنداعى اقپاراتتاندىرۋ جۇمىسىن كۇشەيتۋ قاجەت. تابىستى ەڭبەك مىسالدارى، كاسىپتەر مەن ءوندىرىستىڭ تۇرلەرى تۋرالى تولىق اقپارات - قوعامدا مەكتەپ قابىرعاسىنان باستاپ كەڭىنەن ناسيحاتتالۋى كەرەك.

تاعى ءبىر ماڭىزدى ماسەلە – جۇمىسشىعا تولەنەتىن ەڭبەكاقى مولشەرى. ەڭبەككەاقى تولەۋ – قوعامنىڭ ەڭبەكتىڭ ماڭىزدىلىعىن، قۇندىلىعىن جانە بەدەلىن باعالاۋ ولشەمى. الەۋمەتتىك-ەكونوميكالىق يگىلىكتى جاساۋشى ەڭبەك ادامى مۇقتاج بولماۋى كەرەك. جۇمىسشىنىڭ جالاقىسى ونىڭ بارلىق نەگىزگى قاجەتتىلىكتەرىن، سونىڭ ىشىندە جەكە تۇلعا رەتىندە دامۋى مەن ءوزىن-ءوزى جەتىلدىرۋ مۇمكىندىگىن قامتۋى كەرەك.

ءبىز ەل باسشىلىعىنىڭ ەڭبەك پەن كاسىپقويلىقتىڭ جوعارى دەڭگەيىن ىلگەرىلەتۋدەگى شەشىمىن تولىعىمەن قولدايمىز جانە ەڭبەك ادامى ءۇشىن لايىقتى ەڭبەكتىڭ نەگىزگى قاعيداتتارىن ىسكە اسىرۋعا جاردەمدەسۋگە دايىن ەكەنىمىزدى بىلدىرەمىز.

وسى تۇستا الداعى جىلعا فەدەراتسيا مەن ونىڭ مۇشەلىك ۇيىمدارىنىڭ الدىندا تۇرعان مىندەتتەردى ايتا كەتۋ قاجەت دەپ ويلايمىن. بۇل مىندەتتەردى ءبىز 25 جەلتوقساندا وتكەن قركف باس كەڭەسىنىڭ قورىتىندى وتىرىسىندا تالقىلاپ، قابىلدادىق.

1. ءبىز ء"اربىر قىزمەتكەركە – لايىقتى جالاقى" تۇجىرىمداماسىن ودان ءارى ىلگەرىلەتۋگە نيەتتىمىز. تەك لايىقتى جالاقى حالىقتىڭ ءومىر ءسۇرۋ دەڭگەيىن جانە تۇتىنۋشىلىق سۇرانىستى جاقسارتادى، قازاقستاندىق كومپانيالاردىڭ باسەكەگە قابىلەتتىلىگىن ارتتىرادى جانە تۇتاستاي العاندا ەكونوميكانىڭ تۇراقتى ءوسۋىن قامتاماسىز ەتەدى.

2. كاسىپوداقتار 2030 جىلعا دەيىن قازاقستان رەسپۋبليكاسىندا قاۋىپسىز ەڭبەك تۇجىرىمداماسىن ىسكە اسىرۋعا بەلسەندى قاتىسۋدى جالعاستىرادى جانە كاسىپورىنداردا "حالىقتىق باقىلاۋ" جوباسىن ودان ءارى ەنگىزۋدى جانە "Vision Zero"نولدىك جاراقاتتانۋ تۇجىرىمداماسىنا قوسىلۋدى ىلگەرىلەتەدى.

3. كاسىپوداقتار جۇمىسشى ماماندىقتارى تۋرالى قوعامدىق قابىلداۋدى تۇزەتۋ ءۇشىن كاسىپتىك باعدار بەرۋ سيپاتىنداعى اقپاراتتاندىرۋ جۇمىسىن كۇشەيتەدى. تابىستى ەڭبەك مىسالدارى،كاسىپتەر مەن ءوندىرىستىڭ تۇرلەرى تۋرالى كوبىرەك ناسيحاتتاۋ قاجەت.

4. نورما شىعارماشىلىق قىزمەتكە قاتىسۋ ارقىلى قىزمەتكەرلەردىڭ ەڭبەك جانە الەۋمەتتىك-ەكونوميكالىق قۇقىقتارى مەن مۇددەلەرىن قورعاۋ جۇيەسىن جەتىلدىرۋ جۇمىسىن جالعاستىرامىز. سونىڭ ىشىندە وبلىستىق دەڭگەيدە بۇل جۇمىسقا «ەڭبەك» دەپۋتاتتىق توپتارىن تارتامىز.

5. كاسىپوداقتار باس كەلىسىمنىڭ نەگىزگى ەرەجەلەرىن ۇستاناتىن بولادى جانە ولاردى جۇزەگە اسىرۋعا الەۋمەتتىك ارىپتەستەردەن دە ءدال وسىنداي قاتىناستى تالاپ ەتەدى.

قاتارداعى مۇشەلەرىمىزدىڭ الەۋمەتتىك-ەكونوميكالىق قۇقىقتارىن قورعاۋداعى جۇمىسىمىزدى ۇنەمى ناتيجەگە شىعارۋعا تىرىسامىز. جۇمىسشى ماماندىقتارىنىڭ جىلىندا ءبىز الەۋمەتتىك ارىپتەستەرمەن بىرلەسە وتىرىپ، ءاربىر ەڭبەك ادامىنا قولايلى جاعداي جاساۋعا ايتارلىقتاي ىقپال ەتە الاتىنىمىزعا سەنىمدىمىن.

بۇگىندە قازاقستانعا ىرگەلى جاڭا ۇلگىدەگى الەۋمەتتىك-ەكونوميكالىق قۇرىلىم جۇيەسىن قالىپتاستىرۋعا جەتكىلىكتى الەۋەتى بار، ءپرينتسيپتى تۇردە جاڭا قاتىناستارعا ەنگىزىلگەن جانە مۇنداي قاتىناستارعا قاتىسۋ ءبىلىمى، داعدىسى جانە مادەنيەتى بار جۇمىسشى قاجەت.

ەڭبەك ادامى-مەملەكەتتىڭ ۇدەمەلى ەكونوميكالىق دامۋى مەن وركەندەۋىنىڭ نەگىزى. ەڭبەك ادامىن قولداۋ ونىڭ ەرەن ەڭبەگىن قۇرمەتتەۋ مەن مويىنداۋدان باستالادى!

كاسىپورىندار مەن ۇيىمداردا جۇمىسشىلاردىڭ قۇقىقتارى مەن مۇددەلەرىن قورعاۋمەن كاسىبي تۇردە اينالىساتىن ەلىمىزدىڭ ەڭ ءىرى قوعامدىق ۇيىمى رەتىندە قازاقستان رەسپۋبليكاسى كاسىپوداقتار فەدەراتسياسى ءۇشىن ەلباسى جاريالاعان جۇمىسشى ماماندىقتارىنىڭ بەدەلىن ارتتىرۋ كۋرسى ەڭبەك ادامىنىڭ ءال-اۋقاتىن ارتتىرۋعا ۇلەس قوسۋدىڭ جاڭا مۇمكىندىگى بولماق.

Abai.kz