قازاقستانداعى ەڭ ءىرى جەر يەلەنۋشىلەر تۋرالى مالىمەتتەر ەلدەگى جەر قاتىناستارىنىڭ كۇردەلى ءارى قىزىق كورىنىسىن اشا ءتۇستى. بۇل تۋرالى «EGEMEN FINANCE» تەلەگرام ارناسى جازدى.

اۋىل شارۋاشىلىعى مينيسترلىگى مالىمدەگەن دەرەكتەرگە سۇيەنسەك، ەلدەگى ەڭ ءىرى لاتيفۋنديستەردىڭ جەرلەرى نەگىزىنەن سولتۇستىك قازاقستان جانە قوستاناي وبلىستارىندا شوعىرلانعان.

مينيسترلىكتىڭ مالىمەتىنشە:

- سولتۇستىك قازاقستان وبلىسىنداعى ءبىر زاڭدى تۇلعا 25,3 مىڭ گەكتار ەگىستىك جەرگە يەلىك ەتەدى.

- قوستاناي وبلىسىنداعى تاعى ءبىر زاڭدى تۇلعانىڭ مەنشىگىندە جالپى اۋدانى 177,8 مىڭ گەكتار بولاتىن جەر بار. ونىڭ ىشىندە 116,4 مىڭ گەكتارى – ەگىستىك، ال 57,4 مىڭ گەكتارى – جايىلىم.

- سولتۇستىك قازاقستان وبلىسىنداعى تاعى ءبىر زاڭدى تۇلعا 39,7 مىڭ گەكتار ەگىستىك جەردى باسقارىپ وتىر.

بۇل كورسەتكىشتەر تاڭعالدىرماي قويمايدى. قولدانىستاعى زاڭناماعا سايكەس، جەكە تۇلعالار 35 مىڭ گەكتاردان، ال زاڭدى تۇلعالار 51 مىڭ گەكتاردان ارتىق جەر راسىمدەي المايدى. الايدا، بۇل شەكتەۋ 2021 جىلى قابىلدانعاننان كەيىن عانا كۇشىنە ەندى. دەمەك، اتالعان ءىرى جەر يەلەنۋشىلەر بۇل جەرلەردى شەكتەۋ ەنگىزىلمەس بۇرىن العاندىقتان، زاڭ ولارعا اسەر ەتپەيدى.

تاعى ءبىر ماڭىزدى دەرەك – قازىرگى تاڭدا قازاقستاندا 1 299 جەكە تۇلعا 35 مىڭ گەكتاردان استام، ال 612 زاڭدى تۇلعا 51 مىڭ گەكتاردان ارتىق جەرگە يەلىك ەتەدى. مۇنداي كولەمدەگى جەردى ءتيىمدى پايدالانۋ ماسەلەسى كۇن تارتىبىندە تۇر. وسىعان بايلانىستى جەردى تۇگەندەۋ جۇمىستارى جۇرگىزىلىپ، ولاردىڭ قانشالىقتى ءتيىمدى يگەرىلىپ جاتقانى انىقتالماق.

Abai.kz