«قاتونقاراعاي، زايسان جانە كەندىرلى وڭىرلەرىنىڭ دە تۋريستىك الەۋەتىن دۇرىس پايدالانۋ قاجەت. وسىنداي دەمالىس ايماقتارىندا ساپاسى جوعارى جول ينفراقۇرىلىمى بار اۋە بەكەتتەرى مەن اۋەجايلار سالۋ كەرەك» – قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ.

پرەزيدەنتتىڭ تاپسىرماسىنا سايكەس ىشكى ءتۋريزمدى جانە جولاۋشىلار اۋە تاسىمالىن دامىتۋ ماقساتىندا 2025 جىلى زايسان، قاتونقاراعاي جانە كەندىرلى كۋرورتتىق ايماقتارىندا جاڭا ءۇش اۋەجايدىڭ قۇرىلىسى باستالدى. بۇل جوبالاردىڭ ىسكە اسىرىلۋى وڭىرلەردەگى ەكونوميكانىڭ دامۋىنا جاڭا يمپۋلس بەرەدى، سونداي-اق وتاندىق جانە شەتەلدىك تۋريستەر اعىنىن ارتتىرۋعا جانە اتالعان جوبالار جەرگىلىكتى تۇرعىنداردى قوسىمشا جۇمىس ورىندارىمەن قامتاماسىز ەتۋگە سەپتىگىن تيگىزەدى.

سونىمەن قاتار، 2024 جىلى ءىرى حابتاردى دامىتۋ ماقساتىندا اۋە كولىگى ينفراقۇرىلىمىن جاڭعىرتۋاياسىندا ءۇش جاڭا جولاۋشىلار تەرمينالى پايدالانۋعا بەرىلدى. ماسەلەن الماتى، شىمكەنت جانە قىزىلوردا قالالارىندا جولاۋشىلار تەرمينالىنىڭ وتكىزۋ قابىلەتى ۇلعايدى.

الماتى قالاسى حالىقارالىق اۋەجايىنىڭ جاڭا تەرمينالى – وبەكتىنىڭ وتكىزۋ قابىلەتى جىلىنا 2,5 ملن-نان 14 ملن. جولاۋشىعا دەيىن ۇلعايدى. وتاندىق اۆياكومپانيالار Air Astana, SCAT, Qazaq Air, Fly Arystan قازاقستاننىڭ 19 قالاسىناتۇراقتى ۇشۋدى ورىندايدى. حالىقارالىق اۋە قاتىناسىن الەمنىڭ 26 ەلىندە 50 باعىت بويىنشا 30 شەتەلدىك اۆياكومپانيا ورىندايدى.

شىمكەنت قالاسى اۋەجايىنىڭ جاڭا تەرمينالىنىڭ - وتكىزۋ قابىلەتى جىلىنا 800 مىڭنان 6 ملن. جولاۋشىعا دەيىن. جاڭا تەرمينال حالىقارالىق اۋە مارشرۋتتارىنىڭ سانىن 10-عا، رەيستەردى اپتاسىنا 24-كە دەيىن ارتتىردى. دجيددا، مەدينا (كسا), دوحا (كاتار), فۋكۋوك (ۆەتنام) جانە پحۋكەتكە (تايلاند) اۋە قاتىناسى اشىلدى.

قىزىلوردا قالاسىنىڭ «قورقىت اتا» حالىقارالىق اۋەجايىنىڭ - وتكىزۋ قابىلەتى جىلىنا 300 مىڭنان 2 ملن. جولاۋشىعا دەيىن ءوستى. بۇگىنگى تاڭدا قىزىلوردا قالاسىنان 25 ىشكى رەيس ورىندالۋدا.

«SKYHANSA» قازاقستان-گەرماندىق كومپانياسىمەن «قورعاس – شىعىس قاقپاسى» ارنايى ەكونوميكالىق ايماعىندا قۋاتى ساعاتىنا 500 ادامعا دەيىنگى جولاۋشىلار تەرمينالىن، سىيىمدىلىعى 550 000 تونناعا دەيىنگى وتىن قويماسىن، جۇكتەردى 250 000 تونناعا دەيىن تولىق وڭدەيتىن جۇك تەرمينالىن سالۋ،  اۋە كەمەلەرىنە قىزمەت كورسەتۋ اۆياتسيالىق-تەحنيكالىق ورتالىق قۇرۋ بويىنشا  جوبا ىسكە اسىرىلۋدا. سونداي-اق 300-دەن استام تۇراقتى جۇمىس ورىندارىن قۇرا وتىرىپ، حالىق ءۇشىن تۋريستىك جانە ساۋدا، ويىن-ساۋىق قىزمەتتەرىن دامىتۋ جوسپارلانعان.

سوڭعى جىلدارى اۋە كولىگى جولاۋشىلار ءۇشىن ىڭعايلى ءارى تارتىمدى بولۋدا. مىسالى قازاقستاندا جىل سايىن اۋە تاسىمالى 10-15% ارتۋدا. 2024 جىلى قازاقستاندىق اۆياكومپانيالار 15 ميلليونعا جۋىق ادامدى تاسىمالدادى، اۋەجايلار 30 ميلليون جولاۋشىعا، ونىڭ ىشىندە شەتەلدىك اۆياكومپانيالار مەن ازاماتتارعا قىزمەت كورسەتتى. 2024 جىلى جۇك تاسىمالى كولەمى - جىلىنا 28 مىڭ تونناعا ۇلعايدى.

وتاندىق كومپانيالاردىڭ ۇشاقتار پاركى جىل سايىن 10-15 ۇشاققا تولىقتىرىلۋدا. بۇگىنگى كۇنى ءاۋە كەمەلەرىنىڭ سانى - 102 ۇشاق.

بۇگىنگى تاڭدا قازاقستاننان حالىقارالىق اۋە قاتىناسى 31 ەلمەن (رەسەي، قىرعىزستان، وزبەكستان، تاجىكستان، گرۋزيا، بەلارۋس، ءازىربايجان، ءباا، ساۋد ارابياسى، كاتار، يران، ومان، ەگيپەت، كۋۆەيت، وڭتۇستىك كورەيا، قىتاي، ءۇندىستان، ۆەتنام، تايلاند، موڭعوليا، كامبودجا، مالايزيا، مالديۆ ارالدارى، شري-لانكا، تۇركيا، ۇلىبريتانيا، گەرمانيا، يتاليا، نيدەرلاندى، پولشا، چەحيا) اپتاسىنا 582 رەيس جيىلىگىمەن 117 باعىت بويىنشا ورناتىلدى.

قازاقستاننىڭ اۋەجايلارىندا ەرەكشە قاجەتتىلىكتەرى بار ازاماتتار ءۇشىن بارلىق قاجەتتى جاعدايلار جاسالعان. جەرۇستى قىزمەتىنىڭ قىزمەتكەرلەرى العاشقى مەديتسينالىق كومەك كورسەتۋ، ونىڭ ىشىندە ەرەكشە قاجەتتىلىكتەرى بار ازاماتتاردى سۇيەمەلدەۋ بويىنشا تۇراقتى ارنايى وقۋدان وتەدى. امبۋلاتورلىق كوتەرگىشتەر، مۇگەدەكتەر اربالارى، سوقىرلارعا ارنالعان تاكتيلدى پليتكالار مەن دىبىستىق ناۆيگاتسيا جۇيەلەرى بار.

ەلىمىزدىڭ حالىقارالىق اۋەجايلارىندا انا مەن بالاعا ارنالعان بولمەلەر، ۆاليۋتا ايىرباستاۋ پۋنكتتەرى، پوشتا بايلانىسى، سىمسىز ينتەرنەت بار. سونداي-اق ونلاين تىركەۋ پروتسەسىن جىلدامداتۋ ءۇشىن بىرقاتار اۋە كومپانيالارى ءموبيلدى قوسىمشالاردى ەنگىزدى. كورسەتىلەتىن قىزمەتتەر بارلىق ساناتتاعى ازاماتتار ءۇشىن ساپانى جانە قولجەتىمدىلىكتى ارتتىرۋعا باعىتتالعان.

جولاۋشىلار اۆياتاسىمالدارى كورسەتكىشىنىڭ ءوسۋى، مارشرۋتتاردىڭ ارتۋى ىشكى جانە شەتەلدىك ءتۋريزمدى دامىتادى. بۇل ەل وڭىرلەرىنىڭ ينۆەستيتسيالىق تارتىمدىلىعىن ارتتىرادى.

قازاقستاندا اۆياتسيا سالاسىن دامىتۋدى حالىقارالىق تانۋ ۇشۋ قاۋىپسىزدىگىنە بايلانىستى.

قازاقستاندا ۇشۋ قاۋىپسىزدىگى حالىقارالىق ستاندارتتارىنا سايكەستىك دەڭگەيى 82% قۇرايدى. بۇل — تمد ەلدەرى اراسىندا ەڭ جوعارى كورسەتكىش. دانيا مەن پولشا سياقتى ەۋروپا وداعى ەلدەرىمەن سالىستىرۋعا كەلەدى.

بۇل ناتيجەلەر قازاقستانداعى اۆياتسيالىق ءتۋريزمدى دامىتۋعا، سونداي-اق ەلىمىزدىڭ ەكونوميكالىق الەۋەتىن نىعايتۋعا جانە ونىڭ حالىقارالىق ارەناداعى تارتىمدىلىعىن ارتتىرۋعا سەپتىگىن تيگىزەدى.

Abai.kz