الماتىنىڭ «قايرات» كلۋبىنىڭ جاس شابۋىلشىسى داستان ساتپاەۆ لوندوننىڭ «چەلسي» كلۋبىنا اۋىساتىنى راستالدى. بۇل اقپاراتتى اتاقتى ينسايدەر فابريتسيو رومانونىڭ ءوزى جازدى.

ينسايدەردىڭ مالىمەتىنشە، «اقسۇيەكتەر» الماتىلىق فۋتبولشى ءۇشىن 4 ميلليون ەۋرو بەرەدى. بۇل - قازاقستاندىق فۋتبول تاريحىنداعى رەكوردتىق كەلىسىم.

«سونىڭ ىشىندە 2,4 ميلليون ەۋرو – ناقتى تولەم، ال قالعانى «قايرات» نەمەسە جالعا بەرىلگەن وزگە كلۋب ساپىندا وتكىزگەن ويىندارى ءۇشىن بونۋس رەتىندە قاراستىرىلادى. بەس جىلدىق كەلىسىمشارت 2026 جىلى  تامىز ايىندا داستان 18 جاسقا تولعاندا كۇشىنە ەنەدى.

ەستەرىڭىزدە بولسا، قازاقستان U-19 قۇراماسىنىڭ شابۋىلشىسى داستان ساتپاەۆ جەلتوقسان ايىندا لوندوننىڭ «چەلسي» كلۋبىنا قارالىمنان وتكەن. بىلتىر شابۋىلشى قازاقستان U-19 قۇراماسىندا جانە «قايراتتىڭ» QJ League-داعى كومانداسىندا ويناپ شىقتى. بۇل ليگادا 12 ماتچتا 19 گول سوعىپ، 7 ناتيجەلى پاس بەرگەن.

Abai.kz