اقش پەن رەسەي وكىلدەرى كەيىنگى بىرنەشە ايدا شۆەيتساريادا ۋكراينا بويىنشا بەيرەسمي كەزدەسۋلەر وتكىزگەن.

بۇل جونىندە ءۇش دەرەككوزگە سۇيەنگەن Reuters اگەنتتىگى جازدى.

اگەنتتىكتىڭ حابارلاۋىنشا، ولاردىڭ كەيبىرى دونالد ترامپتىڭ 2024 جىلعى قاراشادا پرەزيدەنت سايلاۋىنداعى جەڭىسىنەن كەيىن وتكەن. Reuters دەرەگىنشە، كەيىنگى كەزدەسۋلەردىڭ ءبىرى بيىل 14-16 اقپان ارالىعىندا گەرمانيادا وتكەن ميۋنحەن قاۋىپسىزدىك كونفەرەنتسياسىمەن ءبىر ۋاقىتتا بولعان.

Reuters دەرەككوزدەرىنىڭ مالىمەتىنشە، كەزدەسۋلەرگە "ديپلوماتيا جانە قاۋىپسىزدىك سالاسىندا تاجىريبەسى بار" ەكى ەل ۇكىمەتىنىڭ بەيرەسمي وكىلدەرى قاتىسقان. دەرەككوزدەر ولاردىڭ اتى-ءجونىن ايتقىسى كەلمەگەن.

دەرەككوزدەردىڭ ءبىرى دونالد ترامپتىڭ كەيبىر كەڭەسشىسى بۇل كەزدەسۋلەردەن حاباردار بولعان دەپ ايتتى. تاعى ءبىرىنىڭ حابارلاۋىنشا، "ەكىنشى ترەك" شەڭبەرى اياسىندا وتكەن شۆەيتسارياداعى كەزدەسۋلەر ناقتى ۇسىنىس دايىنداۋعا ەمەس، قارىم-قاتىناستى جاقسارتۋعا جانە يدەيالارمەن الماسۋعا باعىتتالعان.

Abai.kz