پرەمەر-مينيستر ولجاس بەكتەنوۆتىڭ باكۋگە رەسمي ساپارى اياسىندا ازەربايجان رەسپۋبليكاسىنىڭ پرەزيدەنتى يلحام اليەۆ قابىلدادى. قازاقستان پرەزيدەنتى قاسىم-جومارت توقاەۆتىڭ جىلى لەبىزى جەتكىزىلدى.

ەكى مەملەكەتتىڭ باسشىلارى اراسىنداعى سەنىمدى قارىم-قاتىناستىڭ ارقاسىندا قازاقستان-ازەربايجان ىنتىماقتاستىعى سەرىكتەستىكتىڭ ساپالى جاڭا دەڭگەيىنە كوتەرىلدى.

ازەربايجان رەسپۋبليكاسىنىڭ پرەمەر-ءمينيسترى ءالي اسادوۆپەن ۇكىمەتارالىق كەلىسسوزدەر بارىسىندا ساۋدا-ەكونوميكالىق ىنتىماقتاستىق، كولىك-لوگيستيكا سالاسىنداعى ءوزارا ءىس-قيمىل، مادەني-گۋمانيتارلىق بايلانىستاردى دامىتۋ ماسەلەلەرى تالقىلاندى.

2024 جىلى ەكى ەل اراسىنداعى تاۋار اينالىمى $533 ملن-دى قۇرادى. قازاقستان ازەربايجانعا $340 ملن-نان استام سوماعا شيكىزاتتىق ەمەس تاۋارلاردىڭ 130 ءتۇرىن جەتكىزۋدى ارتتىرۋعا دايىن. كولىك-لوگيستيكا سالاسىنداعى ءوزارا ءىس-قيمىلعا نازار اۋدارىلدى. وتكەن جىلى ترانسكاسپي حالىقارالىق كولىك باعىتى بويىنشا جۇك تاسىمالداۋ كولەمى 62%-عا ءوسىپ، 4,5 ملن تونناعا جەتتى. ەكى ەلدىڭ تەمىر جولدارى اراسىندا Digital Trade Corridor پلاتفورماسىن ينتەگراتسيالاۋ اياقتالدى.

تاراپتار ەكىجاقتى تاۋار اينالىمىن نەعۇرلىم جوعارى دەڭگەيگە كوتەرۋ ءۇشىن بار كۇش-جىگەرىن جۇمساۋعا نيەتتى ەكەنىن راستادى.

كەزدەسۋلەر قورىتىندىسى بويىنشا ەكىجاقتى بىرقاتار قۇجاتقا قول قويىلدى. ولاردىڭ ىشىندە قازاقستان-ازەربايجان باعىتىنداعى سۋ استى تالشىقتى-وپتيكالىق بايلانىس جەلىسىن جوبالاۋ جانە سالۋ جونىندەگى قۇجات بار. جوبا بايلانىستىڭ ساپاسى مەن سەنىمدىلىگىن ارتتىرۋ، ازيا مەن ەۋروپا اراسىنداعى دەرەكتەردى بەرۋدى كەڭەيتۋ ءۇشىن ستراتەگيالىق ماڭىزعا يە.

سونداي-اق كەلىسسوزدەر بارىسىندا ەكى ەلدىڭ مادەني-گۋمانيتارلىق سالاداعى ءوزارا ءىس-قيمىلى تالقىلاندى. ازەربايجان تاراپى قازاقستاننىڭ قاراباقتى قالپىنا كەلتىرۋ ۇدەرىسىنە قوسقان ۇلەسىن جوعارى باعالادى.

Abai.kz