شيكىزاتتان تەحنولوگياعا دەيىن...

قازاقستاننىڭ ۋران ونەركاسىبى ۇلكەن جولدان ءوتتى — وڭدەلمەگەن شيكىزات ەكسپورتىنان باستاپ ءوزىنىڭ اتوم ەنەرگەتيكاسىن دامىتۋ جوسپارلارىنا دەيىن.

بۇرىن مەملەكەت ۋران ءوندىرۋ جانە ونى شەتەلگە ساتۋ ءۇشىن شەتەلدىك كومپانيالاردى تارتۋعا باسىمدىق بەرەتىن. قازىر بۇل ءتاسىل وزگەردى: قازاقستان ءوز قورىنان تەك تابىس تاۋىپ قانا قويماي، تەحنولوگيالاردى دا الۋعا ۇمتىلۋدا، ياعني سەرىكتەستەرگە سالانى دامىتۋعا قاتىسۋى ەسەسىنەن كەن ورىندارىنا قولجەتىمدىلىك ۇسىنۋدا.

بۇل تۋرالى ماكگيلل ۋنيۆەرسيتەتىنىڭ (كانادا) ماگيسترانتى انتۋان مانەنىڭ جاقىندا جاريالانعان بايانداماسىندا ايتىلعان. ونىڭ سوزىنشە، قازاقستان ۋران سالاسىن دامىتۋ ءتاسىلىن بىرتىندەپ وزگەرتىپ كەلەدى. بيلىك ەرەجەلەردى قاتاڭداتىپ، جوبالارداعى مەملەكەتتىڭ ۇلەسىن ارتتىرۋدا جانە نەگىزگى سەرىكتەستەر — رف مەن قحر-مەن ىنتىماقتاستىقتى نىعايتۋدا.

ەندى ەل تەك ۋران ءوندىرىپ، ونى ساتۋمەن شەكتەلمەي، قوسىلعان قۇنى جوعارى ءوندىرىستى دامىتۋعا ۇمتىلۋدا: يادرولىق وتىن شىعارۋدان باستاپ، ەلەكتر ەنەرگياسىنىڭ تاپشىلىعى ماسەلەسىن شەشۋ ءۇشىن ۇلتتىق ەنەرگەتيكالىق جۇيەگە اتوم تەحنولوگيالارىن ەنگىزۋگە دەيىن.

قر جاڭا مودەلگە كوشۋدە: ۋران قورلارىنا قول جەتكىزۋ تەحنولوگيالاردى الۋ قۇرالىنا اينالۋدا، ال روسسيالىق جانە قىتايلىق كومپانيالار ەل ىشىندە اتوم سالاسىن قۇرۋعا قاتىسۋدا.

Abai.kz