ۇلتتىق بانك بازالىق مولشەرلەمەنى 15,25 پايىزدان 16,5 پايىزعا دەيىن كوتەردى
ۆەدومستۆو مۇنى ينفلياتسيانى باقىلاۋ جانە تاۋەكەلدەردى ازايتۋ قاجەتتىلىگىمەن ءتۇسىندىردى.
بۇل قىسقا جانە ۇزاقمەرزىمدى ينفلياتسيالىق كۇتۋلەردى تۇراقتاندىرۋعا، باعا ءوسۋىنىڭ جەدەلدەۋ ءۇردىسىنىڭ بەكىتىلۋىنە جول بەرمەۋگە جانە ينفلياتسيانىڭ ارتۋىن بولدىرماۋعا مۇمكىندىك بەرەدى. بۇگىنگى شەشىم حالىق تابىسىنىڭ ساتىپ الۋعا جارامدىلىعىن ساقتاۋعا جانە جيناقتارىن قورعاۋعا، سونداي-اق نارىق قاتىسۋشىلارىنىڭ تەڭگەدەگى اكتيۆتەرگە سەنىمىن قولداۋعا ارنالعان” دەپ جازىلعان ۇلتتىق بانكتىڭ حابارلاماسىندا.
بازالىق مولشەرلەمە – بۇل ورتالىق بانكتىڭ اقشا قۇنىن باسقارۋ تەتىگى. ۇلتتىق بانك بازالىق ستاۆكانى ەكىنشى دەڭگەيلى بانكتەرگە كرەديت بەرەردە جانە ولاردىڭ اقشاسىن دەپوزيتكە قابىلداردا قولدانادى. ياعني، ۇلتتىق بانك كوممەرتسيالىق بانكتەرگە نەسيەنى ءدال وسى بازالىق ستاۆكامەن بەرەدى.
Abai.kz
