سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى دارحان قۇراقباەۆ ارعىن نىعماتۋليننىڭ تەرگەۋ باستالعانعا دەيىن قازاقستاننان شىعىپ كەتكەنىن ايتتى.

انتيكور نىعماتۋلينگە قاتىستى تەرگەۋ جۇرگىزىپ جاتقان جوق. باسقا مەملەكەتتىك ورگان تەرگەپ جاتىر، پىكىر بەرە المايمىز. ءبىز تەك وسى ءىس بويىنشا ىزدەستىرۋ شارالارىن جۇرگىزىپ جاتىرمىز، – دەدى قۇراقباەۆ.

سەنات كۋلۋارىندا جۋرناليستەر انتيكور باسشىسىنىڭ ورىنباسارىنان ارعىن نىعماتۋليننىڭ قايدا ەكەنىن انىقتاۋ مۇمكىن بولدى ما دەپ سۇرادى.

ونىڭ قازاقستاندا جوق ەكەنىن بىلەمىز: تەرگەۋ باستالعانعا دەيىن كەتىپ قالعان. ول قازاقستاندا ەمەس. قازىرگى ۋاقىتتا ونى ىزدەۋ جانە قايتارۋ بويىنشا شارالار جۇرگىزىلىپ جاتىر. ىزدەۋ بارلىق ەلدە جۇرگىزىلەدى – ول مەملەكەتارالىق ىزدەۋگە جاريالاندى، – دەپ تۇيىندەدى دارحان قۇراقباەۆ.

Abai.kz