قانداستاردىڭ ءبىلىم دەڭگەيى قانداي: جىل باسىنان 2 185 ەتنيكالىق قازاق ەلگە ورالدى.

بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى.

جىل باسىنان بەرى قازاقستانعا كەلگەن قانداستاردىڭ:

46,4% قىتايدان،
41% – وزبەكستاننان،
7,1% – تۇرىكمەنستاننان،
1,9% – رەسەيدەن،
1,6% – مونعوليادان جانە 2% باسقا ەلدەردەن كەلگەن.

جالپى 1991 جىلدان بەرى رەسپۋبليكاعا 1 ملن 150 مىڭنان استام ەتنيكالىق قازاق ورالدى

وسى جىلعى 1 ناۋرىزداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 60,8%-دى، كامەلەتكە تولماعاندار 30,8%-دى جانە زەينەتكەرلەر 8,4%-دى قۇرايدى. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 16,8%-ى جوعارى ءبىلىمدى، 30,7%-ى ورتا كاسىبي ءبىلىمدى، 50,8%-ى جالپى ورتا ءبىلىمدى جانە 1,7%-ىنىڭ ءبىلىمى جوق، – دەلىنگەن مينيسترلىك حابارلاماسىندا.

قانداستاردى قونىستاندىرۋ ءۇشىن كەلەسىدەي ەڭبەك كۇشى تاپشى وڭىرلەر انىقتالىپ، ورنالاستىرىلعان:

اقمولا،
اباي،
قوستاناي،
پاۆلودار،
اتىراۋ،
باتىس، شىعىس جانە سولتۇستىك قازاقستان وبلىستارى.

Abai.kz