سىبايلاس جەمقورلىققا قارسى ءىس-قيمىل اگەنتتىگى قوعامدا زاڭدىلىق پەن ءتارتىپ قاعيداتىن قامتاماسىز ەتۋ، سونداي-اق سىبايلاس جەمقورلىقتىڭ، ونىڭ ىشىندە جوعارى لاۋازىمدى ادامدار اراسىندا جولىن كەسۋ جونىندەگى جۇمىستى جالعاستىرۋدا.

ماڭعىستاۋ وبلىسى مۇنايلى اۋداندىق سوتىنىڭ ۇكىمىمەن اقتاۋ قالالىق سوتىنىڭ توراعاسى ب.ج. شايدۋللين 9 جىلعا جانە جەكە سوت ورىنداۋشىسى ر.م. جاناحمەتوۆ 8 جىلعا باس بوستاندىعىنان ايىرىلدى.

ولار سوتتالۋشىنى باس بوستاندىعىنان ايىرۋعا بايلانىستى ەمەس جازا تاعايىنداۋ سىلتاۋىمەن 18 ملن تەڭگە مولشەرىندە زاڭسىز سىياقى الۋ جولىمەن الاياقتىق جاساعانى جانە پارا بەرۋگە يتەرمەلەگەنى ءۇشىن كىنالى دەپ تانىلدى.

قوسىمشا جازا رەتىندە شايدۋللين مەن جاناحمەتوۆ ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.

سوت ۇكىمى زاڭدى كۇشىنە ەنگەن جوق. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz