«تازا قازاقستان» جالپىۇلتتىق باستاماسىنىڭ ىسكە قوسىلعانىنا ءبىر جىل تولدى. قاراعاندى وبلىسىنىڭ تۇرعىندارى تازالىق پەن كوگالداندىرۋدىڭ رەسپۋبليكالىق چەللەندجىن بەلسەندى قولداۋىن جالعاستىرىپ جاتىر، قالالار مەن اۋىلداردىڭ جايلى بولۋى ءۇشىن ءوز ۇلەستەرىن قوسۋدا. وڭىردە جاپپاي اعاش ەگۋ ءجۇرىپ جاتىر.

سۋرەت: قاراعاندى وبلىسى اكىمدىگىنەن الىندى.

بۇگىن قاراعاندى قالاسىنىڭ «الاش» ساياباعىندا جۇزدەن استام اعاش ەگىلدى. اكتسيا تابيعاتقا بەي-جاي قارامايتىن ءتۇرلى جاستاعى جانە ماماندىقتاعى تۇرعىنداردى بىرىكتىردى. ەرىكتىلەر، جاس بەلسەندىلەر، قالالىق ءماسليحات دەپۋتاتتارى، بيزنەس-قوعامداستىق وكىلدەرى، قوعام قايراتكەرلەرى مەن كوممۋنالدىق قىزمەت قىزمەتكەرلەرى قاتىستى.

سۋرەت: قاراعاندى وبلىسى اكىمدىگىنەن الىندى.

– «الاش» ساياباعى – قالانىڭ ماڭىزدى قوعامدىق كەڭىستىكتەرىنىڭ ءبىرى، وسىنداي باستامالاردىڭ ارقاسىندا ول جايلى ءارى كوگالدانىپ كەلەدى. ەكولوگيانى قولداۋ – ءبىزدىڭ ورتاق مىندەتىمىز، – دەپ اتاپ ءوتتى قالالىق ءماسليحات دەپۋتاتى نۇرلان اۋباكىروۆ.

سۋرەت: قاراعاندى وبلىسى اكىمدىگىنەن الىندى.

قاراعاندى قالاسىنىڭ كاسىپكەرلەر قاۋىمداستىعىنىڭ باسشىسى سەرىك ساناۋباەۆ مۇنداي اكتسيالار قورشاعان ورتاعا جاۋاپكەرشىلىكتى قالىپتاستىراتىنىنا سەنىمدى. اسىرەسە، جاستاردى ەكولوگيالىق قۇندىلىقتاردىڭ بولاشاق ساقتاۋشىلارى رەتىندە تارتۋ ماڭىزدى.

سۋرەت: قاراعاندى وبلىسى اكىمدىگىنەن الىندى.

ساراندا ءۇش مىڭنان استام وقۋشى ءبىلىم بەرۋ اللەياسى مەن مەكتەپ جانىنداعى اۋماقتاردى اباتتاندىرۋعا شىقتى.

سۋرەت: قاراعاندى وبلىسى اكىمدىگىنەن الىندى.

الدىمەن قوقىس، قۇرعاق جاپىراقتار مەن بۇتاقتار جينالىپ، پەتۋنيالار مەن 600 جۋىق قايىڭ كوشەتتەرى ەگىلدى.

سۋرەت: قاراعاندى وبلىسى اكىمدىگىنەن الىندى.

اكتسيانىڭ جاس قاتىسۋشىلارى كوگالداندىرۋعا ارنالعان گۇل كوشەتتەرىن مەكتەپ جىلىجايىندا وزدەرى وسىرگەن. № 17 مەكتەپ-گيمنازياسىنىڭ وقۋشىلارى ءوز ەڭبەكتەرىنىڭ جەمىسىن بەردى.

سۋرەت: قاراعاندى وبلىسى اكىمدىگىنەن الىندى.

سۋرەت: قاراعاندى وبلىسى اكىمدىگىنەن الىندى.

ال اباي اتىنداعى مەكتەپتىڭ وقۋشىلارى «قىسقى باق» ۇيىرمەسىنىڭ قىزمەتى تۋرالى اڭگىمەلەپ، گيدروپونيكا – توپىراقسىز وسىمدىكتەردى ءوسىرۋدىڭ زاماناۋي ءادىسى سالاسىنداعى بىلىمدەرىمەن ءبولىستى.

سۋرەت: قاراعاندى وبلىسى اكىمدىگىنەن الىندى.

– ءبىز «تازا قازاقستان» باستاماسىن بەلسەندى قولدايمىز، ويتكەنى تازالىق پەن اباتتاندىرۋ – اركىم قاتىسۋى ءتيىس ورتاق ءىس. بۇگىنگى اكتسيا ورتاق ماقسات ءۇشىن بىرىگۋدىڭ قانشالىقتى ماڭىزدى ەكەنىن تاعى دا دالەلدەدى. مۇنداي ءىس-شارالار جاستاردا ەكولوگيالىق ويلاۋ مەن ازاماتتىق جاۋاپكەرشىلىك سەزىمىن قالىپتاستىرۋعا كومەكتەسەدى، – دەيدى مەكتەپتىڭ ءوزىن-ءوزى باسقارۋ پرەزيدەنتى دانيار بايداروۆ.

سۋرەت: قاراعاندى وبلىسى اكىمدىگىنەن الىندى.

قاراعاندى تۇرعىندارى اۋلالارىن كوگالداندىرادى، اعاشتار مەن بۇتالار ەكتى.

سۋرەت: قاراعاندى وبلىسى اكىمدىگىنەن الىندى.

ال ورتالىق مادەنيەت جانە دەمالىس ساياباعىندا الما باعى پايدا بولادى. مۇندا بەس مىڭ كوشەت ەگىلە باستادى.

سۋرەت: قاراعاندى وبلىسى اكىمدىگىنەن الىندى.

قاراعاندى وبلىسىنىڭ بارلىق قالالارى مەن اۋداندارىندا اعاش، بۇتا جانە گۇل كوشەتتەرى ەگىلەدى. ەكولوگيالىق اكتسيالار وڭىردەگى ءومىر ءسۇرۋ ساپاسىن جاقسارتۋعا ىقپال ەتەتىن بولادى.

Abai.kz