قر ۇلتتىق ەكونوميكا مينيسترلىگى "اۋىل اماناتى" باعدارلاماسىن ىسكە اسىرۋدىڭ جاڭا مودەلىن ازىرلەپ جاتىر. ول اۋىلدى دامىتۋدا مەملەكەتتىڭ نەگىزگى قولداۋ قۇرالى بولماق.تۇجىرىمداما شەڭبەرىندە ينجەنەرلىك جانە الەۋمەتتىك ينفراقۇرىلىمدى قاتار دامىتا وتىرىپ، كەلەشەگى زور اۋىلدارداعى جوبالاردى ىسكە اسىرۋعا باسا نازار اۋدارىلادى.

دامۋ الەۋەتى جوعارى ەلدى مەكەندەردىڭ تىزبەسى 2019 جىلى انىقتالىپ، اكىمدىكتەردىڭ ۇسىنىسىمەن 2023 جىلى وزەكتەندىرىلدى.

جوبالاردى ورىنداۋ كەزىندە سۋ، جىلۋ، گاز، ەلەكترمەن جابدىقتاۋ جۇيەسى جاڭعىرتىلىپ، قولايلى الەۋمەتتىك جاعداي جاسالادى.

باعدارلاما اۋىلداعى كاسىپكەرلىكتى دامىتۋدى كوزدەيدى. قولداۋ تەتىگىنىڭ ىشىندە 2,5%-بەن شاعىن نەسيە مەن ليزينگ بار. قازىر مينيسترلىك سكرينينگ ارقىلى ەلدى مەكەندەردىڭ ماماندانۋىن انىقتاۋ ءتاسىلىن، ەرەجەلەردى جاڭارتۋدا.سونىمەن قاتار، وڭىرلىك ەرەكشەلىكتى ەسكەرە وتىرىپ، ميكرونەسيە بەرۋ تىزبەسى كەڭەيتىلۋدە. اۋماقتاردىڭ الەۋمەتتىك-ەكونوميكالىق دامۋىنداعى باستى جاڭا قىزمەت تۇرلەرى تانىلدى. ماسەلەن، اباي مەن شقو اكىمدىگىنىڭ ۇسىنىسى بويىنشا تىزىمگە شاعىن بيزنەستىڭ پەرسپەكتيۆالىق سالاسى رەتىندە تۋريزم ەنگىزىلدى.

سونداي-اق اۋىل تۇرعىندارىنىڭ تابىسىن ارتتىرۋ، شىعىنداردى قىسقارتۋ مەن لوگيستيكانى دامىتۋ ءۇشىن شاعىن يندۋستريالىق ايماقتار قۇرۋ كوزدەلگەن. ولار ءونىمدى ساقتاۋ، وڭدەۋ مەن ساتۋ الاڭىنا اينالىپ، جەرگىلىكتى جەرلەردە جاڭا جۇمىس ورنىن اشادى.

Abai.kz