جامبىل وبلىستىق كوپبەيىندى ونكولوگيا جانە حيرۋرگيا ورتالىعىنىڭ ديرەكتورى جاندوس سەيداحمەتوۆتىڭ باستاماسىمەن ونكولوگيالىق اۋرۋلاردى انىقتاۋدا اسا ماڭىزدى سانالاتىن دياگنوستيكالىق ءادىستىڭ ءتۇرى – ەكسپرەسس-گيستولوگيا ىسكە قوسىلدى.

سۋرەت: gov.kz سايتىنان الىندى.

ورتالىقتا جىلىنا 800-دەن استام وتا جاسالادى. بۇرىن پاتسيەنتكە مەديتسينالىق ساراپتاۋ قورىتىندىسىن قويۋ ءۇشىن ونىڭ گيستولوگيالىق تالداۋى الماتى جانە استانا قالالارىنا جىبەرىلىپ، قورىتىندىسىن كۇتۋ ءۇشىن 2-3 اپتا ۋاقىت كەتەتىن. گيستولوگيالىق زەرتتەۋ ناتيجەسى كەلمەيىنشە، ناۋقاسقا ەم تاعايىنداۋ دا مۇمكىن بولمايتىن.

سۋرەت: gov.kz سايتىنان الىندى.

ەكسپرەسس-گيستولوگيا – وتا كەزىندە الىنعان ءتىن ۇلگىسىن جەدەل تۇردە مۇزداتىپ، ميكروسكوپپەن زەرتتەۋگە مۇمكىندىك بەرەتىن زاماناۋي ءادىس. ول نەبارى 15–20 مينۋت ىشىندە ناتيجەنى انىقتاپ، وپەراتسيا بارىسىنا دەرەۋ وزگەرىس ەنگىزۋگە جاعداي جاسايدى. مۇنداي تەحنولوگيا حيرۋرگيانىڭ دالدىگىن ارتتىرىپ قانا قويماي، ەمنىڭ ءتيىمدى ستراتەگياسىن تاڭداۋعا مۇمكىندىك بەرەدى.

سۋرەت: gov.kz سايتىنان الىندى.

سۋرەت: gov.kz سايتىنان الىندى.

ورتالىق ماماندارىنىڭ ءادىستى مەڭگەرۋ بويىنشا بىلىكتىلىكتەرى جەتىلدىرىلىپ، تاجىريبە الماسۋلاردان ءوتتى. الداعى ۋاقىتتا ونكولوگيالىق اۋرۋلاردى 15-20 مينۋتتا انىقتايتىن ءادىستىڭ ارقاسىندا بۇل دەرتتى ەمدەۋگە تيىمدىلىك تە جوعارىلىماق.

سۋرەت: gov.kz سايتىنان الىندى.

Abai.kz